Стопа богородицы молитва

Постараемся детально ответить на вопрос: стопа богородицы молитва на сайте: молитва-богу.рф - для наших многоуважаемых читателей.

Стопа богородицы молитва

Цельбоносная Стопа Матери Божией

Всякий, кто переступал порог Почаевского Успенского собора, не мог не обратить внимания на бронзовый позолоченным ковчег, находящийся за небольшой латунной оградой у первой колонны справа. Это место невольно притягивает внимание каждого. Окутанное близостью непостижимой тайны, оно словно вобрало в себя горячие молитвы нескончаемого потока богомольцев, текущего сюда уже многие столетия. И, вправду , ковчег этот, подобный древнему алтарю, сделанный из толстого, чуть желтоватого стекла с бронзовой крышкой, как будто служит для непрерывно совершающегося здесь таинства – благодатного присутствия Матери Божией. Материальный знак этого присутствия – изображение святой Цельбоносной Стопы Ее на шелковом плате, находящемся на ковчеге.

Изображение это указывает на запечатленную здесь память о чуде, бывшем на горе Почаевской в 1240 году – о явлении Божией Матери в столпе огненном. Над ковчегом – большой бронзовый киот с барельефным изображением этого явления. И ковчег, и киот – творение золотых дел мастера С.Ф.Верховцева; в 1884 году ими был заменен позолоченный балдахин, возвышавшийся над Стопою в виде часовни. Выше киота – две высокие зеркальные пилястры со сребропозлащенными венцами со скипетром и короною. А внутри ковчега – три неугасимых лампады, свет от которых слегка касается темного камня, закрытого стеклянной дверцей и пребывающего во мраке.

Цельбоносная Стопа. Вот здесь, на этом кусочке камня стояла некогда сама Пресвятая Богородица, и след ноги Ее отпечатался на камне. И всегда посещение Ее не остается без благодатных последствий: на этом самом месте возник чудотворный источник, неиссякающий и поныне. Однако сам камень, из которого постоянно сочится вода, находится ниже уровня пола. Он невидим для телесных очей. Приходящие в Почаев богомольцы, помолившись и поклонившись перед ковчегом, прикладываются к изображению Цельбоносной Стопы, а затем пьют и уносят с собой источаемую целебную воду. Они получают ее в серебряных ковшиках из рук иеромонаха, который несет здесь особое послушание и по традиции называется "стопочным". Люди, пришедшие сюда, знают: не раз эта вода служила источником чудесных исцелений от всякого рода недугов. Но знают ли они, как возник этот источник, как появилась в Почаеве Цельбоносная Стопа Матери Божией, сколько и К ак помогала она людям?

Предание говорит о том, что с началом татаро-монгольского нашествия, когда пал и был разорен стольный Киев, когда вся Древняя Русь стала словно дымящейся раной, вопиющей к небу, вознесла она слезные свои молитвы Матери Божией, испрашивая Ее небесного заступничества. Молились о том и неведомые иноки Почаевских пещер Молились они, да почиет на Почаевских горах благодать гор Афонских н холмов Киевских, да станет Пречистая Дева Покровительницей монахам и тем, кто прибегает к ней с теплой молитвой и с горячим упованием. По милости Божией молитвы эти были здесь услышаны. Однажды ночью выйдя после молитвенного бдения из пещеры, почаевские иноки вместе с крестьянами-пастухами из соседнего села увидели на верху горы Богородицу, стоящую на скале в столпе огненном. Подобно, неопалимой купине, горевшей, но не сгоравшей, во время откровения Божия Моисею на Синае, образ которой всегда служил знамением Матери Господа нашего, Пречистая Дева была объята пламенем: на голове ее была корона, а в деснице – скипетр. Явив себя людям с ослепительной яркостью, она поднялась от земли на небо, оставив на скале след С воей правой Стопы. И тогда поняли иноки и пастухи (пр едание сохранило имя одного из последних – Иван Босый), что явление Богородицы в столпе огненном означало приближение новых бедствий, от которых Волынь и вся Русь будет страдать как бы в пламени, но по молитвам и заступничеству Богородицы уцелеет и возродится.

Тут же усердной молитвой возблагодарили они Бога, даровавшего им чудесное явление Матери Божией и восславили С аму явившуюся им Деву, оставившую след Стопы Своей. Ибо с той поры Стопа стала наполняться водой. Только одно мгновение простояла Матерь Божия на твердом камне, а след ноги Ее, запечатлевшийся на нем как на мягком воске, остался навсегда. (Подобное предание существует и о Господе нашем Иисусе Христе: при вознесении С воем Спаситель наш оставил след ноги Своей на горе Елеонской). Чудесное же явление Богоматери на горе Почаевской было в 1240 году от Рождества Христова.

Вскоре после этого события у подножия той скалы, на которой явилась Матерь Божия, иноки построили небольшой храм во имя Успения Пресвятой Богородицы. Но сама скала, как и след Цельбоносной Стопы на ней, в течение еще четырехсот лет оставалась под открытым небом. Лишь с 1649 года, когда на этом месте выросла церковь во имя Пресвятой Троицы, Стопа Богородицы вместе с источником оказалась наконец в храме. Сейчас на месте этого храма стоит другой – великолепный Успенский собор, и строители его только ради того, чтобы заключить эту святыню внутрь собора, в соответствии с условиями местности несколько нарушили традиционный принцип храмостроительства: собор обращен не на восток, как этого требует Устав, а, скорее, на север.

С первых же дней своего появления на горе Почаевской и доныне Стопа Божией Матери является источником многих чудес. Большинство из них осталось, вероятно, неведомыми миру, и тайна их ушла вместе с теми, кто видел, испытал или был свидетелем их силы. Но многие остались запечатленными для нас как зримые знаки "великой и богатой" милости Царицы Небесной, и потому так важна для нас память о необычных исцелениях, о явленных нам чудесах. В данном случае свидетельства о них, исходящие от самих исцеленных, дошли до нас от времен сравнительно недавних, веками уже отдаленных от самого явления Богородицы. Но они тем более драгоценны как еще одно напоминание о том, что и через столетия милость и благоволение Ее не иссякают.

Самое древнее из засвидетельствованных и записанных исцелений, источником которых была Цельбоносная Стопа Божией Матери, произошло в 1664 году. У одной помещицы, по фамилии Хойнацкая, был слуга, которого звали Давид, по прозвищу Гайдук. Он долго страдал жестокими болями во всем теле, а особенно в голове. От боли глаза его вылезли из орбит, и он почти потерял зрение. Жалея своего слугу, Хойнацкая (вероятно, не раз припомнив евангельскую историю о сотнике и его слуге) попросила тогдашнего почаевского игумена помолиться о больном перед Почаевской чудотворной иконой Богоматери и прислать воды от святой Стопы, чтобы помазать глаза его. Как только это было сделано, болезнь его прошла.

Веком позже, в 1763 году, один волынский священник Григорий Белецкий дважды получал чудесную помощь: вначале у него был тяжелый нарыв на груди, вскрывшийся только после того, как он помазал его целебной водой. Но затем болезнь вдруг вернулась и в гораздо более тяжелой форме: у него возник новый нарыв, теперь уже внутри его тела. От боли и слабости больной не мог сам идти в Нечаев, его нужно было везти. Однако уже на полпути (о. Белецкий хотел прибыть в Почаев к празднику Успения Божией Матери) он почувствовал некоторое облегчение и даже сумел самостоятельно войти в храм и дойти до Цельбоносной Стопы. Возблагодарив Божью Матерь за этот первый знак милости, он вновь выпил Целебной воды, а дома – омыл ею все тело. После этого боли вдруг уменьшились, опухоль стала спадать, и вскоре он совершенно выздоровел.

До нас дошли записи, говорящие о том, что не только люди, искавшие исцелений, получали их, но и те, кто поначалу их и не искали, но получали как бы по тайной милости, поданной Царицей Небесной. В 1770 году одна больная девушка по фамилии Загурская, находясь уже на смертном одре, попросила священника, принимавшего ее исповедь, дать ей святой воды. Священник подал ей воду из Стопы Богородицы, и, выпив ее больная выздоровела, а затем отправилась в Почаев, чтобы отблагодарить Пресвятую Деву. Оказавшись в храме, в котором прежде никогда не была, она прямо подошла к святой Стопе и заявила, что исцеление ей принесла вода, взятая именно здесь.

В 1780 году у одной женщины, жившей в окрестностях Почаева, умирал трехлетний ребенок. Однажды ночью, после долгой и горячей молитвы Божьей Матери она уснула и во сне увидела некоего старца, который сказал ей: "Что ты плачешь и кричишь? Лекарство у тебя в доме".

Проснувшись, женщина с трудом вспомнила, что у нее осталось немного воды от Цельбоносной Стопы. Она влила несколько капель в рот больному и вновь уснула. И снова увидела во сне того же старца, и он сказал ей теперь: "Встань, сын твой здоров". И, действительно, когда она пробудилась, ребенок сидел на постели и просил есть. Через несколько дней болезнь его была позади .

В 1832 году одна мещанка из Каменец-Подольска привела в Почаев свою девятилетнюю внучку, в годовалом возрасте потерявшую зрение после перенесенной оспы. Шесть дней шли они, чтобы поклониться Почаевским святыням, и когда пришли, девочка по совету добрых людей помазала свои глаза святой водою. Когда обе они после этого отошли от Огоны на середину церкви, больная вдруг воскликнула, плача от радости: "Ах, бабушка! Я вижу Божию Матерь обеими глазами!". Девочка стала зрячей.

Не одну болезнь и не одно горе уврачевала Матерь Божия, и рассказать о каждом случае невозможно. Скажем лишь, что помощь эту получали знатные и незнатные, старики и дети, православные и даже христиане иных исповеданий, все, кто приходил к Цельбоносной Стопе с верой, надеждой и усердной молитвой, все, кому по неизреченному Промыслу Божию, должна была быть послана помощь. И сегодня, как и сотни лет назад, с той же молитвой и верой идут сюда люди со своими нуждами и прошениями, со всем, что есть на сердце, преодолевая иной раз огромные расстояния, чтобы прикоснуться к святыне, испить этой воды, чая исцеления на горе Почаевской, ища благословения Пресвятой Девы, Ее покрова и заступничества. Поэтому и не иссякает человеческая благодарность, выраженная словами акафиста, что уже сотню лет соборно служится по воскресеньям монастырской братией во главе с наместником перед святой Цельбоносной Стопой:

"Воспеваем вси неизреченное снисхождение Т вое, Дево Чистая: яко с высоты небесныя низошла еси на святую гору Твою, из камени нам воду источающи, ея же цельбосносною силою во всем мире славно прославила еси".

Акафист Пресвятой Богородице пред Ея Цельбоносною Стопою Почаевскою

( певается в Почаевской Лавре пред Цельбоносною Стопою Божия Матери на праздник, в честь иконы Ея именуемой “Живоносный Источник”, а также по Воскресениям, на вечернем богослужении, если нет больших праздников )

Взбранной Воеводе, избравшей гору Почаевскую в место селения своего, похвальная восписуем Ти, раби Твои, Богородице: яко от лет древних прославила еси место сие богоносное явлением цельбоносныя стопы Твоея и Твоего Божественнаго образа чудодействием. Темже, яко избавльшая иногда обитель Твою от нашествия агарянскаго, от всяких нас бед и напастей свободи, да всегда Твоею помощию избавляемии из глубины душевныя вопием Ти: Радуйся, похвало Почаевская, надеждо наша и утешение.

Ангели вси и человецы удивишася неизреченному снисхождению Твоему, Дево Чистая: якоже бо Господь древле явися Моисеови на Синаи, в купине горящей и несгаряемей, сице явилася еси, Мати Чудная, на скале Почаевстей в столпе огненнем стоящею, и знамение ноги Твоея десныя, водою исполненное, благомощне тамо изобразила еси, да вси чудо видяще вопием Ти: Радуйся, Богородительнице чистая, назирающая ны с высоты пренебеснаго жилища Твоего. Радуйся, Благая Одигитрие, до конец земли во спасение наше досязающая. Радуйся, яко светоносным явлением Твоим на горе Почаевстей гору сию превыше множества гор, яже во странах наших, вознесла еси. Радуйся, яко в снисхождении Твоем тако обители Почаевстей славу во всем мире уготовила еси. Радуйся, приснотекущий источниче, водою цельбоносною стопу Твою Почаевскую непрестанно наполняющий. Радуйся, наставнице Богомудрая, научающая ны благочестно покланятися на месте, идеже стоясте Пречистыя нозе Твои. Радуйся, похвало Почаевская, надеждо наша и утешение.

Видящи, Пресвятая, немощь естества нашего и болезни, одержащия присно души и телеса наша, даровала еси, Пречистая, стопочней воде Твоей на скале Почаевстей цельбоносную силу исцеляти всяк недуг и всяку язю в людех: еяже благодать вящши паче древния купели овчия, та бо единою в лето и токмо первее входящим в ню здравие телу подаваше, сия же, присно освящаемая Твоею благодатию, непрестанно дарует здравие душевное, купно же и телесное всем с верою черплющим ю, емлющим и пиющим от нея, мажущимся ею, и поющим Богу: Аллилуиа.

Разумом недоразуменным не возможе благоверная Анна, строительница обители Почаевския, уразумети исперва, коль великая благодать вселися в храмине ея, егда Неофит именем, митрополит греческий, за сотворенное ему гостеприимство в дому ея, дарова ей на благословение образ Твой Честный, Владычице. Но ты сама, Мати Всемогущаго, не умедлила еси явити славу Его знамениями и чудесы многими, да аки от живаго источника, от Твоея иконы благодеяньми многоразличными наслаждающеся, вопием Ти сицевая: Радуйся, Дево Чистая, спасения нашего Ходатаице Богоизбранная. Радуйся, Испоручнице роду человеческому во утешение наше дарованная. Радуйся, благая Домостроительнице, житие наше добре устрояющая. Радуйся, Путеводительнице прозорливая, ко Отечествию Небесному нас руководящая. Радуйся, многими от лет древних иконами своими дивными Константинополь град благодатне снабдевающая. Радуйся, едину от сих, аки звезду пресветлую, от Востока православнаго до нашего Русскаго запада, во спасение наше, даровавшая. Радуйся, похвало Почаевская, надеждо наша и утешение.

Сила Вышняго осени тогда слепаго от рождения болярина Филиппа, егда теплосердечныя пролияше слезы пред иконою Твоею, Богородице: во еже бы многомощною силою Твоею, Владычице, даровала ему зрение. И се, молящуся ему, абие отверзостеся очи его, аки бы древле от Христа слепорожденному, и той взирая благодарне к дивному лику Твоему, в радовании сердца своего вопияше Богу: Аллилуиа.

Имущи благоверная Анна в дому своем благодатную икону Твою, чудесы неизреченными прославляемую, размысли воистинну в сердце своем, яко недостойне есть, да толь великая святыня пребывает сокровенна в храмине ея. Темже убо, созвавши иноки со священники, и множество народа православнаго собравши, со свещами и пением благоговейным принесе тую икону на гору Почаевскую, идеже в пещере обитающим иноком в вечное хранение предаде, да благодеющей нам во оней Тебе, Мати Дево, вопием вси благодарне: Радуйся, по Бозе и Царе царствующих Царице наша, Богородице. Радуйся, по Владыце и Господе господствующих Госпоже и Владычице. Радуйся, явлением чудотворныя иконы Твоея землю отечественную нашу просветившая. Радуйся, лучами чудес Твоих Благодатне, во спасение наше, во всем мире возсиявшая. Радуйся, честное вместилище богопросвещеннаго разума, проразумевающая всюду избранныя своя. Радуйся, теплотою Богоматерния любве Твоея от любве земныя к небесней Божией любви нас приводящая. Радуйся, похвало Почаевская, надеждо наша и утешение.

Бурею, внутрь страны нашея свирепеющею от власти иноверныя, гонимый угодник Твой Иов, игумен Дубенский, Богородице, тай остави обитель свою крестную, и во еже сокрытися от треволнений мира сего прелестнаго, со тщанием востече на гору Почаевскую, и припадши к чудному образу Твоему, все упование свое возлагаше на Тя: Мати Божия, взывая, сохрани нас под кровом Твоим, да всегда Твоею помощию избавляеми, поем Богу Спасителю нашему: Аллилуиа.

Слышана бысть во всех ближних и дальних странах, слава Твоя, Пречистая, егда нашедшим исмаилитом на обитель Почаевскую, един от иноков монастыря сего, от татарина обезглавленный, взят абие главу свою отсеченную, и аки вторый Ареопагит, принес ю до иконы Твоея, положи сию пред нею, идеже купно и дух свой в руце Божии предаде, научая всех звати Тебе: Радуйся, добрая Хранительнице наша во страданиих телесных. Радуйся, Блюстительнице неусыпная в печали душевней. Радуйся, яко пособствующей любви Твоей, вси поклоняющиися Тебе со смирением благ мира сего отрешаются. Радуйся, яко желанию Твоему споследствуя, избраннии Тобою всех благ свыше сподобляются. Радуйся, верных прибежище и ограждение. Радуйся, благодати Божия светлое и неизреченное познание. Радуйся, похвало Почаевская, надеждо наша и утешение.

Боготечной звезде, во мраце сияющей, уподобися святая икона Твоя, Владычице, егда беззаконный наследник приснопамятныя строительницы Почаевския, повеле силою исхитити образ Твой из обители Почаевския, и сей купно со иными вещьми, во обители пограбленными, в замку своем Козинском заключи: аще бо, рече, возьму чудотворную икону себе, иноцы не возмогут обитати на месте том, не ведый силы Бога Живаго, ни еже тому единому пети: Аллилуиа.

Видящи посрамление святыя иконы Твоея, явила еси, Пречистая силу великую и преславную в дому вельможи безбожнаго: егда бо той от радости безумныя не ведый, что более творити, облече в ризы священныя во обители Почаевстей пограбленныя супружницу свою, и купно с нею и со иными многими на вечери у него сущими, начат хулити Тебе, о Богомати, в чудотворней иконе Твоей, абие лют бес истрясе злую жену за беззаконие ея, имже одержима бе, донележе святая икона Твоя Почаевская не бе возвращена на место свое со всякою честию и песнию псаломскою преславною: Радуйся, граде Царя Великаго некрыемый верху горы небесныя. Радуйся, покрове миру, ширший облака, всюду приступный для нашего притекания. Радуйся, веры православныя недвижимое сохранение. Радуйся, еретических полков скорое и неумытное поражение. Радуйся, яко Тобою побеждается всякое возношение, взимающееся на разум Божий. Радуйся, яко снисхождением Твоим утверждается всяк ум пленяющ себе в послушание Христово. Радуйся, похвало Почаевская, надеждо наша и утешение.

Видена быша шествия Твоя, Царице Неба и земли, видена быша шествия Твоя, Владычице, в явлении святыя иконы Твоея на горе Почаевстей: яко сию яве прославила еси во странах наших в годину искушения, находящую на ны купно с порождением злощастныя оныя, глаголемыя берестейския унии, да поне в явлении чудес и знаменьми многоразличными от цельбоноснаго образа Твоего подаси исповедником веры православныя и отеческаго древняго благочестия поборником небесную свою отраду, облегчение и утешение, во еже самим врагом нашим о Твоем ко православным благоснисхождении чудящимся, пети Богу: Аллилуиа.

Возсия солнца светлейши на горе Почаевстей тако прославленная и превознесенная, дивная икона Твоя, Владычице: пред нею же со смирением припадающе и молящеся, со благодарением поминаем неисчетныя силы и благодеяния, Тобою, Пречистая, от нея чудесне источаемыя, поюще, вопиюще и взывающе Тебе радостно: Радуйся, светом чудесным от святыя иконы Твоея пещеру всеблаженнаго угодника Твоего и Отца нашего Иова Почаевскаго, во едину от нощей молящуся ему пред нею, благодатне озарившая. Радуйся, слепыя многи от омрачения телеснаго, купно же и душевнаго, благомощно просветившая. Радуйся, мужа умершаго жене его, по молитве оныя воскресившая. Радуйся, юношу в Почаевский глубокий кладезь упавшаго, на вервии посреде его чудесне удержавшая. Радуйся, жидовину некоему свет паче солнца от иконы Твоея показавшая. Радуйся, неверие его в веру Христову светом сим благодатне претворившая. Радуйся, похвало Почаевская, надеждо наша и утешение.

Хотя Христос Господь и Сын Твой показати в Тебе, Пречистая, новое знамение благодати Своея на горе Почаевстей, любовию разже абие к образу Твоему сердце именитаго болярина Феодора и Евы благородныя, жены его, иже иждивением своим создаша во обители Почаевстей Твоей церковь новую, великую, и сию, якоже Соломон древле, потребами всякими удовлиша и украсиша, прославляя единаго славимаго в церквах своих Бога, и Тому поя усердно: Аллилуиа.

Дивная и преславная видена быша о Тебе, Пресвятая Дево, во обители Твоей во время брани збаражския, егда явилася еси верху горы Почаевския, от нашествия и обложения агарянскаго монастырь Почаевский избавляя: и омофором белоблестящимся покрывая люди Твоя, внимала еси яве молитвам одесную Тебе стоящаго на облацех небесных преславнаго Иова, чудотворца Почаевскаго, и тако враги Твоя вспять погнала еси, научая всех благодарне поминающих несказанное явление сие, звати Тебе: Радуйся, Заступнице рода человеческаго твердейшая паче адаманта несокрушимаго. Радуйся, Защитнице народа православнаго вернейшая паче всякаго забрала необоримаго. Радуйся, молние громоносная, стрелами невидимыми присно поражающая врагов веры христианския. Радуйся, стрелы агарянския, на Тебе в Почаеве от татаров направляемыя, на главу их вспять обратившая. Радуйся, яко сего ради мнози от них, христианскую приемше веру, на послушании монастырском в обители Почаевстей даже до кончины своея пребыша. Радуйся, яко правовернии, Тобою избавлении, радостную Тебе песнь хвалы и благодарения воспеша. Радуйся, похвало Почаевская, надеждо наша и утешение.

Странно и страшно бе видети Тебе, Мати Благословенная, тогда на воздусе, со Ангелами небесными, обнаженнии мечи держащими на защиту народа православнаго. Сего ради явлением Твоим устрашаемии нечестивии, абие спешне отбегоша от обители Почаевския, во еже всем о Тебе, Владычице, пети Богу: Аллилуиа.

Весь сый исполнен страха и надежды на Тя, Мати многомощная, игумен Почаевский Иосиф и прочии тогдашнии почаевстии иноцы и мирстии людие, от татаров во обители обложении, в тузе сердечней вопияху к Тебе Богородице: не даждь видети погибели служащих Тебе и покланяющихся чудотворней иконе Твоей, но помози и изми нас из рук агарянских, якоже иногда спасла еси царствующий град Константинополь от скифскаго воеводы, и потопила еси вои его, нападающия на град сей. Спасай и нас, молим Тя, Дево Чистая, от всякаго зла и от всех козней врагов наших видимых и невидимых, да Твоею помощию избавляемии со умилением зовем Ти сицевая: Радуйся, отечествию нашему Заступнице Всесильная. Радуйся, земли рождения нашего Воеводо непобедимая. Радуйся, Хранительнице наша во искушениих веры от врагов правоверия. Радуйся, Споборнице наша бодрейшая сопротив всякия власти чуждыя. Радуйся, присная помоще православным христианом во всех делех и путех наших. Радуйся, всей русской державе твердыне и забрало необоримое. Радуйся, похвало Почаевская, надеждо наша и утешение.

Всякое естество удивися неизреченному действу силы Твоея, Владычице Пренепорочная, еюже многомощне исхитила еси от неволи инока почаевскаго, в пленении у безбожных агарянов пребывающаго. В той бо неволи сущий на ум себе приводяше пения церковная и службы, паче меда сладчайшия, на горе Почаевстей. И се молящуся ему единою в праздник успения Твоего, Преблагословенная, абие обретеся во обители Почаевстей, вериги пленения на руцех своих носяй, и с плачем благодать Твою, на себе бывшую исповедуя, и благодарными усты поя Богу: Аллилуиа.

Ветийствующие многовещанно клеврети иноверия и власти чуждыя во странах наших недоумеют и до ныне, еже како, явивши святую икону Твою на горе Почаевстей, под сению древняго благочестия, аще послежди тую в руце инославных предати и соизволила еси, обаче паки сию, силою Твоею, православным возвратила еси: мы же неизреченному смотрению Твоему дивящеся, веруем и исповедуем, яко сие тако сотворила еси в научение наше, купно же и вящшаго ради прославления образа Твоего. Темже и златыми, яже от Рима, диадимами благоволила еси увенчанну быти тому, да от восток солнца до запад славимому присно имени Твоему вопием вси благолепно: Радуйся, заре таинственнаго света богосиянная. Радуйся, свеще, от Божественнаго пламене восточнаго православия, теплотою чудес Твоих неугасимо нас согревающая. Радуйся, Воеводо Почаевская, сердце вельможнаго графа чудесне к себе обратившая. Радуйся, новую Ти обитель, купно же и храм во имя Твое на горе Почаевстей воздвигнути тому неизреченно внушившая. Радуйся, яко не точию во странах русских, но и вне пределов отечествия нашего призывающим Тя от святыя горы Твоея благопоспешно вспомоществуеши. Радуйся, яко и во всем мире благодать от святыя иконы Твоея Почаевския верным неизреченно источаеши. Радуйся, похвало Почаевская, надеждо наша и утешение.

Спасти хотя уповающих на Тя, спасла еси обитель Твою от ига иновернаго, Богородительнице, купно же с нею и богодарованную славу пречистыя иконы Твоея, егда благомощне возратила еси гору Почаевскую во одержание православным: да в нас паки чудодействуя и от нас прославляемая, явиши всем несказанно, яко воистину едина есть святая церковь наша православная, от нея же исходит всякий источник чудодейственныя благодати Божия, напаяющий всех водами правоверия и единому Богу Спасителю нашему научающий пети неложно: Аллилуиа.

Стену и заступление необоримое воистину исповедуем Тя, Дево Мати, во всех потребах и обстояниих благостынею своею присно нас ограждающую. Аще бо не бы Ты предстала, Владычице, молящися о нас, кто бы нас избавил от толиких бед; кто же бы ны сохранил до ныне свободны, в державе нашей, на лоне святыя церкви православныя, темже не таим Твоих благодеяний, но благодарне прославляя милости Твоя, вопием Ти от полноты сердечныя: Радуйся, помазанием водою от стопы Твоея цельбоносныя прозрение многим даровавшая. Радуйся, юношу от ядовитых струпов на теле уврачевавшая. Радуйся, младенца умершаго, пред иконою Твоею родителями его с верою положеннаго, к жизни неизреченно возвратившая. Радуйся, врача иновернаго, дерзнувшаго хулити Тебе в чудотворней иконе Твоей, умоизступлением страшным наказавшая. Радуйся, возницу вельможи разьяреннаго от неумытнаго разстреляния, по молитве к Той, несказанно избавившая, Радуйся, и матерь градов русских, Киев от смертоноснаго поветрия силою Твоею от горы Твоея святыя благопоспешно спасшая. Радуйся, похвало Почаевская, надеждо наша и утешение.

Поют Тя вси роди земнии и небеснии, Покровительнице наша, за вся неисчетныя благодеяния, знамения же и чудеса, яже присно являеши всем почитающим Тя, и покланяющимся иконе Твоей. Темже и мы, аще и недостойни суще, приносим Ти, Мати Благословенная, преискреннюю дань хвалы и умиления, и в веселии сердца пред Пречистым Твоим образом поем Богу, дивная Тобою творящему от горы Почаевския: Аллилуиа.

Светоприимную свещу зрим Тебе, Пресвятая Дево, на святей иконе Твоей, посреде лика избранных угодников Твоих лучами благодати Божественныя неизреченно блистающуюся. Отонудуже во мраце грехов своих просвещаемии и на светлую стезю добродетели и спасения наставляемии, звании Тя почитаем сими: Радуйся, молитвами Первомученика Стефана, венцу тезоименитаго, венчающая нас венцем радования во скорбех наших. Радуйся, заступлением Авраамиа, во иноцех затворника, избавляющая нас от суеты мира сего многомятежнаго. Радуйся, со Илиею Пророком, и ревнителем по Бозе, огнь несокрушимыя ревности по вере во искушениих неверия и иноверия в нас воспламеняющая. Радуйся, купно с мучеником Миною страсти наша в борениих плоти побеждающая. Радуйся, утешение наше во всех печалех, предстательством Екатерины Великомученицы прехвальныя. Радуйся, упование верным в напастех и скорбех, ходатайствы Ирины Пречестныя и Параскевы Преподобномученицы Богоблаженныя. Радуйся, похвало Почаевская, надеждо наша и утешение.

Благодатию, данною Ти от Сына и Бога Твоего, чудодействующи, Пречистая, на святей горе Твоей Почаевстей, не оставляеши, Владычице, рабы Твоя и во время сие, но якоже во дни древния, сице и ныне, во очию нашею подаеши присно недужным здравие, слепым прозрение, скорбящим утешение, обидимым заступление, бесным от духов лукавых свобождение, и всем сущим в бедах и обстояниях многоразличных: от запаления огненнаго, от татей и разбойников и тайных убийц, от злаго поветрия губительнаго и смертоносныя язвы, и от тяжких крушений на пути, в мори и на суше, избаву и сохранение, имущи купно о нас великаго ходатая и молитвенника неусыпнаго, блаженнаго Иова, игумена и чудотворца Почаевскаго, да тмами тем притекающии к Тебе, восприимем вси благая и полезная душам нашим, прославляя Бога и тому Единому поя благодарне: Аллилуиа.

Поюще Твоя милости, Богородице, и чудеса Тобою во спасение наше, от святыя горы Твоея Почаевския, в цельбоносней стопе Твоей и Твоей чудотворней иконе выну нам источаемыя, хвалим Тя вси, яко твердую Предстательницу и необоримую Заступницу нашу, и со умилением припадающе пред иконою Твоею, молим Твою благостыню: воздвигни руце Твои к Сыну Твоему и Богу нашему, сице на руку Твоею умильно держимому, да и в сей жизни и по кончине нашей милосердие Его неотступно будет от нас, но кийждо, по мере веры и любве своея, восприемлет от Него поне некую отраду, облегчение и утешение, да благодеющей Тебе и чудодействующей во спасение наше во веки веков поем благодарне: Радуйся, молитвами Твоими от святыя горы Твоея род человеческий спасающая. Радуйся, всю вселенную благодатию от иконы Твоея заступающая. Радуйся, всем во всякой потребе и нужде водою от стопы Твоея полезная подавающая. Радуйся, житие наше, молитвами угодника Твоего Иова Почаевскаго, во всех нуждах и обстояниих наших добре устрояющая. Радуйся, мирен конец жизни нашея в преставлении нашем испрошающая. Радуйся, и по кончине нашей от мук адских всех свобождающая и в Царствие Сына Твоего вечное превождающая. Радуйся, похвало Почаевская, надеждо наша и утешение.

О Всепетая Мати, Царице неба и земли! Воззри милостивым оком Твоим на ны, предстоящия пред святою иконою Твоею, и на вся люди, Тебе молящиеся, и Твоими Богоматерними молитвами избави нас от всяких бед, напастей и скорбей, да безгрешно, мирно и благочестно поживше в нынешнем веце, и в будущем сподобимся вси небесных и вечных благ от Господа и Спаса и Судии Нашего, поюще Ему, прославлящему Тя на святей горе Твоей, и Тобою от святыя иконы Твоея и стопы Твоея прославляемому во веки веков: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитвы пред Цельбоносною Стопою Божия Матери.

О Пресвятая Дево, Владычице Богородице, благодарю Тя от всего сердца моего, яко сподобила мя еси грешнаго и недостойнаго раба Твоего предстати зде и поклонятися на святей горе Твоей. О, коликих благ удостоихся тако многогрешный аз милосердием Твоим! Вижду, Пречистая, и ужасаюся и истаевает дух мой, зрящи во очию многоцелебный сей источник благодати Твоея, егоже издревле во следе Святыя Стопы Твоея неизреченно явила еси, и всеблагоговейно покланяяся на месте, идеже стоясте Девичестии нозе Твои, молю Тя, Благословенная Надеждо и спасение душ и телес наших, омый мя цельбоносной водою Твоею от всякия скверны плоти и духа, утоли благодатными струями Твоими вся страсти моя сердечныя, уврачуй каплями от приснотекущаго источника Твоего вся недуги моя телесныя, да Тобою наставляемый, врачуемый и избавляемый воспеваю Тебе всеусердно: Радуйся, источниче радости непрестаемыя: Радуйся, точе доброты неизреченныя. Радуйся, вожделений нечистых потопление: Радуйся, скверн всяких измовение. Радуйся, струе световиднейшая во здравие верным от горы приосененныя чаши благодать исцелений подавающая: Радуйся, росо небесная свыше токи премудрости жаждущим истиннаго познания ниспосылающая. Радуйся, похвало Почаевская, спаси ны, молящихся Тебе, Надеждо Наша и Утешение. Аминь.

О Всемилостивая Госпоже, Царица и Владычице, от всех родов избранная, и всеми роды небесными и земными ублажаемая! Воззри милостиво на предстоящий пред святою иконою Твоею и усердно молящийся к Тебе народ сей, и сотвори предстательством и заступлением Твоим у Сына Твоего и Бога Нашего, да никтоже изыдет отсюду упования своего тощ и посрамлен в надежде своей, но да приимет кийждо от Тебе вся по благому изволению сердца своего и по нужде и потребе своей, во спасение души и во здравие телу. Наипаче же осени и огради покровом Твоим, Милосердная Мати, верное наше воинство. Призри благосердием, Всепетая Богородице, и на обитель сию, Твоим именем нарицающуюся, юже от лет древних возлюбила Еси, избрав ю в достояние Себе, и неоскудно источая токи исцелений от чудотворныя иконы Твоея, и от приснотекущаго источника, в следе стопы Твоея нам открытаго, и сохрани ю, якоже древле сохранила еси Твоим явлением целу и неврежденну от лютаго нашествия агарянскаго, от всякаго прилога и навета вражия, да выну воспевается и славится в ней пресвятое имя Отца и Сына и Святаго Духа, и Твое преславное успение, во веки веков. Аминь.

Предстательство христиан непостыдное, ходатайство ко Творцу непреложное, явилася еси воистину, Богородице, в цельбоносней Твоей стопе и чудотворней Твоей иконе на горе Почаевстей. Не презри, убо Всепетая, грешных молений гласы, но предвари любовию Твоею Матернею на помощь нам, верно зовущим Ти: ускори на молитву, якоже древле явилася еси на скале Почаевстей, в столпе огненнем. цельбоносную воду от камене, во спасение наше источающи: потщися на умоление, и Твоею благостынею покрый и соблюди нас, якоже иногда благопоспешила еси обители Твоей во спасение от нашествия агарянскаго, престательствующи присно, Богородице чтущих Тя.

Вторый тропарь в честь иконы Божия Матери Почаевския, глас 4

К Богородице прилежно ныне притецем грешнии и смиреннии, и припадем к дивному образу Ея, иже на горе Почаевстей: к немуже умильно взирающе и молящеся Царице Владычице из глубины душевныя вопием: О Пречудная Дево, Мати Господа Вышняго, от лет древних избравшая обитель Почаевскую в место селения Своего! Землю отечественную нашу в православии и мире утверди, и спаси всех предстоящих и молящихся Тебе умиленною душею и сокрушенным сердцем, пред Пречистым Твоим образом со слезами. Не отврати рабы Твоя тщи: Тя бо едину Надежду имами.

Величания употреляемыя в Почаевстей Лавре

В воспоминание явления Божия Матери на скале Почаевстей и происхождения цельбоносной стопы, в пяток Светлой седмицы:

Величаем Тя, Пресвятая Дево, и чтем еже на скале Почаевстей в столпе огненнем цельбоносною стопою запечатленное явление Твое.

Величаем Тя, Пресвятая Дево, и чтем еже на скале Почаевстей в столпе огненнем , из камени воду нам цельбоносную источившее явление Твое.

В честь иконы Божия Матери Почавския, 8-го сентября:

Величаем Тя, Пресвятая Дево, и почитаем честную икону Твою, юже от лет древниих на горе Почаевстей прославила еси.

В воспоминание явления Божия Матери над обителию Почаевскою в день избавления оныя от татар и турков во время брани збаражския, 23-го июля:

Величаем Тя, Пресвятая Дево, и чтем покров Твой честный, имже спасла еси обитель Твою Почаевскую от нашествия агарянскаго.

По благословению Блаженнейшего Владимира, Митрополита Киевского и Всея Украины.

Акафист, Молитвы, Тропари, Икона – «Акафисты Почаевския Лавры» Издано в честь 400-летия перенесения чудотворной иконы Божия Матери на гору Почаевскую ( 1597 – 1997 гг. )

Свято-Успенская Почаевская Лавра – 1997 год.

( Обработка со старославянского на русский – раба Божия Надежда Братина )

О Цельбоносной Стопе Матери Божией – сайт Свято-Успенской Почаевской Лавры

Оценка 3.3 проголосовавших: 22
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here