Молитва святого ильи макеевского

Постараемся детально ответить на вопрос: молитва святого ильи макеевского на сайте: молитва-богу.рф - для наших многоуважаемых читателей.

Молитва святого ильи макеевского

Избранный чудотворе и изрядный угодниче Христов, отче Илие преподобне, всем, прибегающим к тебе, молитвенное заступление. Прославляя Господа, прославльшаго тя, со умилением похвальная тебе приносим пения:

Радуйся, Илие преподобне, теплый молитвенниче о душах наших.

Велика Совета Ангел и мира Творец избра тя от лет отроческих на служение Себе; ты же, послушание истинное Богу являя, нд Горе Афонстей во смирении и иночестем подвизе пребыл еси, мы же, промышлению Его о тебе дивящеся, с верою зовем:

Радуйся, лозы Христовы истинная поросле.

Радуйся, измлада путь спасения избравый.

Радуйся, правил веры изрядный рачителю.

Радуйся, Мира Горняго умильный яснозрителю.

Радуйся, иноков преславное украшение.

Радуйся, в миру сущим истинное поможение.

Радуйся, притекающих к тебе скорое утешение.

Радуйся, земли Донецкия украшение.

Радуйся, Илие преподобне, теплый молитвенниче о душах наших.

Видя Царь Небесный истинное желание твое спасение обрести, приведе тя в сад дивный Божией Матери — на Гору Афонскую: тамо бо, в подвизе смирения, послушания, терпения духовно возрастая, Господеви пел еси: Аллилуиа.

Разум небесный в дар от Бога приим, оставил еси дом отчий и вся прелести мира Царствия ради Божия и правды Его. Сего ради, похвальная глаголюще, зовем ти:

Радуйся, чадо Церкви Христовы верное.

Радуйся, образе кротости духовныя.

Радуйся, яко к докродетели от юности навыкл еси.

Радуйся, яко в законе Господни поучался еси день и нощь.

Радуйся, яко, отечество земное оставив, к небесному устремился еси.

Радуйся, юность свою в дар Господеви принесый.

Радуйся, от Господа помощь и прозрение духовное восприемый.

Радуйся, благодатные дары, данные тебе, преумноживый.

Радуйся, Илие Преподобне, теплый молитвенниче о душах наших.

Силою Вышняго осененный, иноческое поприще проходя, духовным ведением люту годину во отечествии твоем прозревая, многия люди ко угождению Богу наставил еси. Мы же, к заступлению твоему притекающе, зовем: Аллилуиа.

Имея в сердце твоем истинную любовь ко Творцу всех, добрым подвигом потрудився, равноангельское житие стяжал еси. Мы же во умилении и радости глаголем сице:

Радуйся, смиреним и послушанием Христу подражавый.

Радуйся, небесныя дарования стяжавый.

Радуйся, бдения и службы церковныя ревнителю.

Радуйся, ближним яко самому Господу послуживый.

Радуйся, алчущия и жаждущия духовно насытивый.

Радуйся, яко скорбящим был еси утешение.

Радуйся, яко болящим был еси отрада.

Радуйся, о тяжко труждающихся в недрех земных пред Богом ходатаю.

Радуйся, Илие преподобне, теплый молитвенниче о душах наших.

Бури искушений и напастей, во Отечествии твоем, от нечестивых гонителей на Церковь воздвизаемыя не устрашився: пришел еси во град Макеевку, и светильник во тьме седящим явился еси. Обители Горния являяся истинный гражданин, с Вышними силами поя Богови: Аллилуия.

Слышав скорби и тяготу народа Божия, оставив тишину безмолвия, любовию Христовою уязвляем, на Него же все упование твое возложил еси: моли даровати и нам, немощным, милости Христа Бога, да согласно поем ти:

Радуйся, иго Христово на себе восприявый.

Радуйся, во уделе Божией Матери рабе благий и верный.

Радуйся, плоть твою духови покоривый.

Радуйся, в сонме Афонских преподобных просиявый.

Радуйся, яко и во отечествии твоем предивный чудотворец явился еси.

Радуйся, смирением Господеви угодивый.

Радуйся, сосуд, сокровищ добродетелей, собою явивый.

Радуйся, в подвизех твоих Царя Небеснаго прославивый.

Радуйся, Царство Небесное в себе еще в земнем житии носивый.

Радуйся, Илие преподобне, теплый молитвенниче о душах наших.

Богосветлое светило яви тя Господь: искусный бо делатель умныя молитвы являяся, источник приснотекущия благодати обрелся еси; и души отчаянных, светом истинныя веры озарив, ко Христу привел еси; поя Тому песнь: Аллилуия.

Видевше людие тя, отче Илие, велия молитвенника, со тщанием притекаху к тебе, яко же древле народ Израиля ко пророку Божию Илии; ты же, силу духа пророча в себе носяй, верное заступление чадом Церкви был еси; не остави и нас, грешных, вопиющих ти таковая:

Радуйся, молитвенниче о нас дерзновенный.

Радуйся, силою молитвы древнему пророку подобный.

Радуйся, изрядным смирением твоим духов злобы посрамивый.

Радуйся, незлобием твоим многия кротости научивый.

Радуйся, денно и нощно псалмопением благоухавый.

Радуйся, чистоты духовныя и телесныя усердный хранителю.

Радуйся, Пустыни Афонския яко шипок благовонный украшение.

Радуйся, яко вся просимое от Господа получивый.

Радуйся, Илие преподобне, теплый молитвенниче о душах наших.

Вещает цветник духовный – Гора Святая труды и подвиги твоя, духоносне отче наш Илие; бдением бо, пощением, самоуничижением, ветхаго в себе побеждая, силою Духа Святаго облеклся еси, яко же Елисей милотию Ильиною, и со Ангелы воспеваеши: Аллилуия.

Возсия в сердце твоем свет любве Божественныя, Боговидцу Моисею уподобляяся, во отечество твое пришел еси, да люди ко Отечеству Небесному направиши; мы же, уповая на заступление твое, взываем сице:

Радуйся, храм нерукотворный в сердце твоем возведый.

Радуйся, множество храмов рукотворных во граде твоем предрекий.

Радуйся, смирением облекийся яко ризою нетленною.

Радуйся, во обители пророка Илии житием твоим просиявый.

Радуйся, волю свою воли Христовой поработивый.

Радуйся, не имый где главы преклонити, многия духовно обогативый.

Радуйся, по слову Христову, любити врагов научивый.

Радуйся, яко сердца гонящих тя кротостию твоею умягчивый.

Радуйся, Илие преподобне, теплый молитвенниче о душах наших.

Хотяй Человеколюбец Господь всем спастися и в разум истины приити, яви тя светильника земли нашея; научил бо многия любви Божией и благочестию; темже и нас сирых, во тьме греховней блуждающих, не остави, но моли за ны Христа Бога, да поем Ему: Аллилуиа.

Новаго тя избранника Божия видяще: немощныя исцеляюща, утешение и молитвенное предстательство малодушным подающа; темже и за пределы града твоего изыде вещание чудес твоих; мы же, чада твоя, хвалу тебе принося, тако рцем:

Радуйся, наставниче наш прелюбезный.

Радуйся, прозорливый целителю недугов душевных и телесных.

Радуйся, помощниче скорый в бедах сущим.

Радуйся, грядущая, яко настоящая, вещавый.

Радуйся, ангелов собеседниче преславный.

Радуйся, тьмою безбожия ослепленныя светом исполнения Евангельских заповедей просветивый.

Радуйся, житием твоим милосердия и добродетели пречудный проповедниче.

Радуйся, молитвенному деланию многия научивый.

Радуйся, Илие преподобне, теплый молитвенниче о душах наших.

Странное явление видяще, Илие преподобне, притекшу тебе ветхим старцем во отечествие твое, да людем послужиши, железными бо оковы взор твой на мир сей затворивый; среди житейскаго моря, яко в безмолвней пустыни, пребыл еси, пути к Горнему Иерусалиму взыскуя, в нем же предстоя, с веселием поеши: Аллилуиа.

Весь еси желанием небесным исполненный, не остави и нас, молитвою твоею ограждаемых, мы же, надеждою облекшеся о заступлении твоем пред Владыкою всех, с любовию и радостию величаем тя, зовуще:

Радуйся, зрением ума херувимом уподобившийся.

Радуйся, серафимом, пламенеющим сердцем ко Господу, подобен бывый.

Радуйся, усердно чтущих тя ходатаю непостыдный.

Радуйся, мглу страстей душевредных помощию Божиею победивый.

Радуйся, правоверным воином духовный споборниче.

Радуйся, супостаты молитвою твоею посяцаяй.

Радуйся, милость Всевышняго к чадом твоим приклонивый.

Радуйся, и о всем мире ходатаю неусыпный.

Радуйся, Илие преподобне, теплый молитвенниче о душах наших.

Всякое естество человеческое дивится, преподобне Илие: како нощными бдениями пустыню озаряя, в подвизе же молитвенном не ослабен до конца претруднаго твоего жития пребыл еси: умоли Господа Сил стяжати добродетель сию и нам недостойным, поющим Ему: Аллилуия.

Витийство всякое не может изрещи любовь твою; многим бо, притекающим к тебе в недоумении, благий совет подал еси, многия заблуждающаяся кротко вразумил еси, болящим врач являяся, и по смерти прибегающих к твоему ходатайству не оставляеши; мы же с упованием зовем ти:

Радуйся, в добродетели древним отцам подражавый.

Радуйся, на суетный мир единым токмо оком взиравый.

Радуйся, к Миру Горнему умный твой взор вперивый.

Радуйся, светом Божией Благодати осиянный.

Радуйся, оковами смирения добродетели твоя сокрывый.

Радуйся, по слову Христову: “яко ничтоже есть тайно иже не станет явным”, на себе явивый.

Радуйся, жертвенною любовию к ближнему Небесныя Обители унаследовавый.

Радуйся, житием твоим Господеви угодивый.

Радуйся, Илие преподобне, теплый молитвенниче о душах наших.

Спастися хотящим путь истинный примером твоим явивый; отрешатися суеты мира сего и нам помози: обуреваемым противу кознем диавольским стати и ум свой, подобно тебе, вместо суетного мира к Горним Обителем возвести, идеже со всеми святыми поеши хвалебную песнь: Аллилуиа.

Стена несокрушимая явился еси, отче Илие преподобне, необоримым бо заступником предстоиши у Престола Господа Славы с Пречистой Госпожею Богородицею и всеми святыми, за ны моляся: Мы же, к раце с мощами твоими притекающе, умильно глаголем ти таковая:

Радуйся, при жизни никогоже из приходящих к помощи твоей не отринувый.

Радуйся, и по преставлении твоем нас не оставляющий.

Радуйся, изнемогающим духовно помошниче скорый.

Радуйся, страждующим телесно целителю неотложный.

Радуйся, связанным духом злобы поднебесной скорое свобождение.

Радуйся, жертвенною любовию исполненный.

Радуйся, фимиам молитв твоих за ны пред Престолом Божиим воскуряющий.

Радуйся, сосуде Благодати Божией.

Радуйся, Илие преподобне, теплый молитвенниче о душах наших.

Песнь достохвальную Пресвятей Троице житием твоим принесл еси; и во время отшествия твоего дух твой в руце Бога Живаго с молитвою на устех предал еси, отче преподобне; от юности бо твоея Господеви неленостно потрудився, венец нетленный стяжав, во обителех небесных вселился еси, идеже со ангелы поеши: Аллилуиа.

Светоносный светильник зрим тя, преподобне отче, равноангельно бо на земли пожил еси, и по отшествии твоем молитвенно с нами пребываеши; мы же, взирая на труды и подвиги твоя, похвальная тебе приносим пения:

Радуйся, венец безсмертия от Всеблагаго Бога восприявый.

Радуйся, цельбы по молитвам твоим подающий.

Радуйся, излиянная пучино благодатных даров.

Радуйся, молитвенно призывающих тя скоро посещаяй.

Радуйся, дивная при жизни твоей явивый.

Радуйся, и по преставлении твоем неоскудную помощь нам от Бога подающий.

Радуйся, со Ангелы у престола Божия за ны предстоящий.

Радуйся, нетление стяжавый и нам светлый путь ко спасению указующий.

Радуйся, Илие преподобне, теплый молитвенниче о душах наших.

Благодать Пресвятаго Духа испроси нам, угодниче Христов Илие достохвальне, вемы бо яко много может молитва праведнаго ко благосердию Владыки; да небезплодно в нас будет семя Святыя Веры. Умоли Человеколюбца Бога даровати нам истинный плод покаяния, с упованием зовущим: Аллилуиа.

Поюще твое прославление от Господа, ублажаем тя и мы, преподобне отче Илие; со умилением взирающе, како обретохом тя многомощна молитвенника и ходатая о нас недостойных; славяще милость Всесвятаго Бога, к нам явленную, приносим ти таковая:

Радуйся, Востока Незаходимаго заре присносияющая.

Радуйся, даров Его сокровище многоразличное.

Радуйся, силою Божиею многия чудеса соделавый.

Радуйся, щедрот и милости Его струе неизсякаемая.

Радуйся, сострадания и любве явление преславное.

Радуйся, светлый уме, озаренный Светом Невечерним.

Радуйся, ленящаяся на угождение Богу нравом твоим на исправление подвигнувый.

Радуйся, на путь исполнения заповедей Христовых многия наставивый.

Радуйся, Илие преподобне, теплый молитвенниче о душах наших.

О предивный и пречудный отче наш Илие, прими сие с любовию приносимое тебе малое пение, и, молитвами твоими недуг душевных и телесных нас свобождая, грядущих вечных мук избави, да с тобою непрестанно воспеваем: Аллилуия.

Сей Кондак глаголи трижды: и паки 1-й Икос: и паки 1-й Кондак.

Молитва Преподобному Илии Макеевскому

О священная главо, отче Илие преподобне, угодниче преизрядный Господень, теплый молитвенниче о всех, к помощи твоей с верою прибегающих, малодушных утешителю и всем, в скорбех и болезнех пребывающим, скорый помощниче и заступниче.

Помози нам, грешным и унылым, бурею сомнеНИЙ в суете житейскаго моря потопляемым, достигнути тихаго пристанища – Небеснаго Царствия.

Умоли Господа, всяческих благ Подателя, получити прощение многих наших грехов. Настави нас, многими соблазнами мира сего искушаемых, На путь смирения, терпения, чистоты духовныя и телесныя и искренней любви к Богу и ближним, да не погибнем люте без покаяния.

Святче Божий, подобне древлему пророку, тезоименитому Илии, ревностию объятый по Господе Бозе Вседержителе, даруй И нам разслабленным дух ревности ко спасению, укрепи сердца наша в правой вере, Церковь Святую сохрани от всякаго мятежа и раскола. Град твой, Отечество наше и всякую страну христианскую огради и сохрани молитвами твоими от глада, потопа, нашествия иноплеменных и междоусобныя брани; старость поддержи, юность уцеломудри, младенцы воспитай, на всякую добродетель нас грешных настави; кончину жития нашего причастну Святых Таин Христовых быти сподоби, да с верою и любовию прославим со ангельскими силами во Царствии Небеснем, идеже и ты пребываеши, Бога, в Троице славимаго Отца, и Сына, и Святаго Духа, во веки веков. Аминь.

От юности мира суету оставив, / на Афонскую гору пришел еси, / идеже ангельское житие являя, / Богу неленостно служаше, / дары благодатныя от Него восприяв. / Во отечество же свое пришедши, / многим путь во спасение был еси, / чудотворец предивный и утешитель малодушных являяся, / граду Макеевке похвало и утверждение, / Илие преподобне, / моли Христа Бога / о верою и любовию чтущих тя.

Днесь светло ликует град твой, / отче Илие преподобне, / совершающе священную память твою. / Мы же, чада твоя, / умиленно принадающе к мощем твоим, / взываем сипе: / молися, угодниче Христов, / мир Церкви и Отечеству нашему даровати / и душам нашим вел ию милость.

Ублажаем тя, / преподобне отче наш Илие, / и чтим святую память твою, / наставниче монахов / и собеседниче ангелов.

ИЛИЯ МАКЕЕВСКИЙ

Память 4 апреля и 15 мая (обретение мощей) (Донецк.)

В миру Илья Яковлевич Ганжа, родился в 1837 году в поселке Макеевка Миусского округа Области Войска Донского (ныне город Макеевка Донецкой области Украины).

Сведений о жизни подвижника, полученных из рассказов очевидцев, немного – да и то они касаются последних 19 лет его жизни.

В пятнадцатилетнем возрасте он покинул отчий дом, как он сам однажды сказал: “Пошел искать святые места…”.

О том, где преподобный принял монашеский постриг и как провел 90 лет своей жизни, сведений не сохранилось.

О своей подвижнической жизни он никогда не рассказывал. Лишь однажды поведал, что была у него келья в очень труднодоступном месте и еду туда нужно было подавать на верёвке.

Известно, что долгие годы схимонах Илия подвизался в Ильинском скиту на Афоне, откуда предположительно в начале XX века перебрался в Киево-Печерскую лавру. В настоящее время найдены документальные подтверждения нахождения схимонах на Святой Горе.

В 1927 году схимонах Илия аернулся в родную Макеевку и посещал в то время Свято-Троицкий храм села Калиново на окраине города, а после закрытия храма в 1936 году перебрался в город.

Проживая в городе, старец почти до конца жизни не имел собственного жилья, из имущества имел только иконы и книги Священного Писания. Его приютом становилась то одна, то другая семья верующих макеевчан. В некоторых домах он проживал подолгу, а в других по два, по три дня. Вызвано это было тем, что к нему многие приходили за советом, наставлениями, что вызывало раздражение богоборческой власти.

Старец был делателем молитвы и главным в жизни считал молитву. Сам он молился много, молился и по ночам: ежедневно читал Евангелие, акафисты, Псалтирь. На ночную молитву поднимал и домочадцев, причём часто и детей. Когда отдыхал на лавочке перед домом, пел псалмы. Учил он молиться и тех, кто приходил к нему, и тех, у кого жил. Кроме того, неукоснительно ходил в храм. “В воскресенье и праздники дома не сиди, в храм иди – и всё будет у тебя хорошо!” – наставлял он.

С некоторого времени рядом с ним находились послушницы, которые ухаживали за ним, находили ему кров, готовили и убирали. Это были нищая больная девица Фёкла, странница Паша и вдова Мария с дочерью Еленой.

По описанию очевидцев, “старичок”, как он называл сам себя, был красив, одевался в светлый подрясник, всегда выстиранный так, что казался совсем новым. Один глаз его был всегда прикрыт веком так, что многие считали – одного глаза у него не было. Однако на фотографии у него были открыты оба глаза. Как-то его спросили о причине, и он ответил: “На этот мир достаточно смотреть и одним глазом“. Видимо поэтому и шторки в келии старца были всегда задёрнуты. Ходил отец Илия быстро, опираясь на палочку. Молодые люди должны были ускорять шаг, чтобы идти с ним в ногу.

Нрава старец был доброго. К нему постоянно приходили люди, и никогда, даже будучи больным, он не отсылал никого без слова утешения и помощи. За духовной поддержкой к нему шел народ не только из Макеевки, но и из близлежащих городов. Не будучи сам священного сана, схимонах принимал у себя священников из Киева и Москвы. Они причащали его, когда храмы были закрыты, привозили ему новые подрясники, книги.

В тяжёлые военные годы старец стал духовной опорой для многих мятущихся душ. Когда мужчины уходили на фронт, верующие (а иногда и неверующие) шли за благословением к отцу Илии. Многим он говорил слова утешения, предсказал грядущие события.

Даже в самое отчаянное время схимник не благословлял покидать город Макеевку. Он говорил: “Не бойтесь, в Макеевке сильных боёв и разрушений не будет“. “Как же не будет, когда немец в город пришёл?” – удивлялись люди. А схимонах отвечал: “Как пришёл – так и уйдёт, тихо, как прошлогодний снег“. И, действительно, в течение всей войны в городе не было ни сильных боевых действий, ни бомбёжек, ни крайнего голода, ни разрушений. Даже попытки немцев поджечь некоторые дома не осуществились.

И во время, и после войны старец окормлял макеевчан. Были случаи исцелений неизлечимо больных, которым есть множество свидетельств.

После войны у старца наконец-то появился свой угол. В небольшом домике, средства на покупку которого ему собрали духовные чада, он прожил до самой своей кончины. Всё это время старец не переставал помогать людям, учить их православной вере.

Схимонах Илия скончался 17 апреля 1946 года, в возрасте 109 лет. Был погребён неподалёку от Старо-Рабочего городка в Макеевке.

Со временем почитатели макеевского подвижника, в памяти которых сохранились его слова и чудеса, обустроили его могилу, сделали новый красивый памятник, облагородили место вокруг. По благословению схиархимандрита Зосимы (Сокура), который глубоко почитал макеевского старца, были собраны свидетельства очевидцев и материалы о его жизни и чудесах, которые впоследствии вошли в книгу о нём “Немощная мира избра Бог, да посрамит крепкая”.

8 мая 2012 года Священный Синод Украинской Православной Церкви принял решение о канонизации схимонаха Илии (Ганжи) в лике местночтимых святых Донецкой епархии.

28 мая того же года в Макеевке состоялось обретение мощей схимонаха Илии. Непродолжительное время мощи святого пребывали в Святогорской Лавре.

23 сентября 2012 года в Свято-Георгиевском соборе города Макеевки состоялось прославление преподобного. Мощи святого ныне покоятся в этом храме.

От юности мира суету оставив, / на Афонскую гору пришел еси, / идеже ангельское житие являя, / Богу неленостно служаше, / дары благодатныя от Него восприяв. /Во отечество же свое пришедши / многим путь во спасение был еси, / чудотворец предивный и утешитель малодушных являяся, / граду Макеевке похвало и утверждение,/Илие преподобне, /моли Христа Бога / о верою и любовию чтущих тя.

Оценка 3.3 проголосовавших: 22
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here