Молитва святого геннадия

Постараемся детально ответить на вопрос: молитва святого геннадия на сайте: молитва-богу.рф - для наших многоуважаемых читателей.

Икона преподобному Геннадию Костромскому и Любимоградскому чудотворцу.

Молитва преподобному Геннадию Костромскому и Любимоградскому.

Избранниче Божий и чудотворче, преподобный отче Геннадие! От юности твоея исполнен сый Духа премудрости и разума, Духа благочестия и страха Господня, и приим вся оружия Божия, препоясав чресла твоя истиною, оболкся в броня правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженныя угасити. Сего ради водворяяся днесь с ликами Безплотных сил в обителях Отца Небеснаго, неувядаемым венцем увязен еси и, предстоя Престолу Царя славы, Господа сил, имаши дерзновение возносити к Нему моления и благохваления твоя. Мы же, окаяннии, возводя из глубины зол очи и сердца наша к Горнему Сиону, Жилищу Бога Иаковля, молим тя, преподобне Геннадие: буди заступником и ходатаем нашим пред Богом и Господем нашим, Судиею правед­нейшим, Егоже выну прогневляем, согрешающе пред Ним. И якоже во дни плоти своея дивная и преславная совершил еси, отче всехвальне, тако и ныне, прешед от нас в обители Отца Небеснаго, удиви ходатайством своим милость Господню на нас. Да, отбегше нечестия и мирских похотей, Богови же благоугодивше, обрящем помощь Его во время благопотребно и благословение на ны и на дела рук наших, и да сподобит нас наследити Царство Небесное и с лики святых славити и воспевати пречестное и великолепое имя Отца, и Сына, и Святаго Духа ныне и присно и во веки веков. Аминь.

Тропарь преподобного Геннадия Костромского и Любимоградского.

Яко пустыннолюбивая горлица, / от суетнаго и многомятежнаго мира в пустыню удалився, / чистотою и говением, молитвами и труждением / прославил еси Бога в душе и телеси своем. / И тако благочестно пожив, / явился еси, преподобне Геннадие, пустыни Любимоградския украшение, / иноком честнаго жития образ / и теплый молитвенник за всех, / притекающих к тебе с верою.

Кондак преподобного Геннадия Костромского и Любимоградского

Кондак преподобного Геннадия Костромского и Любимоградского.

Молитвою и постом, труждением и терпением/ умертвивый всякое плоти мудрование,/ чистоты сосуд благолепен,/ Божественных даров и чудес причастник,/ иноком же доблий наставник был еси,/ сподвизаяся блаженному Корнилию, отче Богомудре./ Сего ради вопием:/ молися ко Господу,/ да молитвами твоими дарует мир и спасение душам нашим.

Житие преподобного отца нашего Геннадия Костромского

Акафист преподобному Геннадию Костромскому и Любимоградскому, чудотворцу

Другие иконы:

Икона Божией Матери Избавительница от бед

Икона Маруфу, епископу Месопотамскому

Икона преподобного Даниила Переяславского

Икона Божьей Матери Ильинско-Черниговская

Икона Варлаам Важский, Пинежский, Шенкурский

Икона святителя и чудотвореца Тихона Задонского, Воронежского

Икона святому Димитрию Солунскому

Икона святым Косме и Дамиану

Икона преподобному Алипию Печерскому, иконописцу

Икона преподобномученику Афанасию, Игумену Брестскому

Икона Святителю Мартину Милостивому

Икона святой великомученице Екатерине

Икона святому Георгию Победоносцу

Икона Ангелу Хранителю

Православные информеры для сайтов и блогов

Все иконы к Пресвятой Богородице и святым .

Молитва святого геннадия

Служба святому Геннадию, архиепископу Новгородскому [817]

Месяца декамврия вдень. Иже во святых отца нашего Геннадия, архиепископа Новгородскаго, во Святой Руси жидовскую прелесть попалившаго

И поем купно с великомученицею Варварою.

ВЕЧЕР: Блажен муж, на “Господи, воззвах” стихиры мученицы на 4 и святителю на 4, глас 8.

Истинным избранием Божиим/ жезл святаго служения восприим/ добре люди твоя управил еси,/ ихже светом Священных Писаний просветив,/ благочестия ревнитель явился еси,/ темже и вопием ти похвальная,/ святителю Христов блаженне Геннадие,/ моли Христа Бога о спасении душ наших.

Истинным учением Христовым/ души гладныя напитал еси/ и во тьму и сень смертную ереси впадшия/ к свету заповедей Божиих возвратил еси,/ Церкви Русския красная похвале/ и земли Новгородския славное удобрение,/ Геннадие, святителю блаженне,/ молитвенниче о душах наших.

Истинною любовию исполнен,/ святителю Божий Геннадие,/ посреде лжебратий и отступников тайных,/ яко шипок благоуханен, в тернии процвел еси/ и ругателей нечестивых посрамил еси,/ пребыл еси верен даже до смерти,/ сего ради приемлеши венец жизни/ и молишися о душах наших.

Веру правую во оболгании зряще/ и святыню Господню в поругании/ ревностию Божественною препоясан,/ стал еси пред нечестивыми в дерзновении мнозе,/ якоже Илия на Кармил и яко Владыка твой на Голгофу,/ ты на горнее седалище возшел еси/ и врага невидимаго поразил еси,/ аще и торжества Истины на земли не узрел еси,/ но труды и страдании твоими Церковь украсися,/ и ней же и нам подаждь неотпадно пребыти/ и с тобою прославити в вышних Господа.

НА СТИХОВНЕ, глас 3 (или на литии).

Паки сбирается нечестивое соборище/ на Господа, и на Христа Его, и на Церковь Его/древним богоотступником подражающе,/ смерти Безгрешнаго паки ругающеся,/ но, яко же тает воск от лица огня,/ тако исчезает от слышания словес твоих,/ богомудре святителю Геннадие,/ воеводо Господень изрядный.

Паки сонмище богопротивное,/ хранящее суетная и ложная/ совещает злая на Невесту Господню/ и прельщает маловерныя воскресению не веровати,/ и Святым Тайнам ругатися,/ и учение Христово хулити,/ но на камени исповедания твоего,/яко волна свирепеющая, разбивается,/ пенящися всеми срамотами своими,/ и величие духа твоего неволею показующе,/ богомудре святителю Геннадие,/ воеводо Господень непобедимый.

Паки ученик неверный/ иудеям Христа предает/ и многое множество тайных отступник приводит./ Оле рыдания, оле посрамления!/ Оле безумия нечестивых,/ ведущих Христа и к жидовству приложившихся,/ но на страже поставлен Божественней/ о стаде Господнем словеснем/ от юга пришедшаго Бога/ и спасение наше устроившаго проповедал еси,/ богомудре святителю Геннадие/ воеводо Господень преславный.

Посрамляется днесь сонмище лукавнующих/ в памяти твоей досточудне,/ вернии же ликуют в веселии/ и играюще славят Господа,/ таковаго предстателя нам даровавшаго,/ и учителя, и пастыря, и исповедника неколебимаго,/ духом века сего не прельщеннаго,/ но за истину добльствовавшаго волею/ и венцем небесным от Владыки увязеннаго.

Уподобился еси древним отцем,/ святителю отче Геннадие,/ священныя книги собрав и еретики посрамив/ ревность по Бозе показуя, паству оградил еси,/ моли и ныне Христа Бога/ мир Церкви даровати/ и спастися душам нашим.

НА УТРЕНЕ: Седальны и полиелей мученицы.

Канон Богородицы на 6, и мученицы на 4, и святому на 4, глас 4.

ПЕСНЬ 1. Ирмос: Тристаты крепкия рождейся от Девы, безстрастия во глубине души тричастное потопи молюся, да Тебе яко в тимпане во умерщвлении телесе победное воспою пение.

Слово даруй мне, Спасе Всесильне, воспети дивнаго угодника Твоего, добрым подвигом подвизавшагося и венцем победным ныне светло украшеннаго.

Ополчишася всадники, и тристаты, и все воинство фараона мысленнаго на Невесту Христову, гнав постиже и раздели достояние Господне, якоже корысти, обаче словом твоим, святителю Геннадие, пучиною покрыл еси их, погрязоша во глубине, яко камень.

Тобою, святителю, яко десницею Своею, стерл еси Господь сопротивных, ты же ныне прославлен есн в крепости, и в славе небесной ликуеши, и сущих во обстояниих на земли призираеши.

Богородичен: Имущи Тя, Дево, скорую Заступницу и прибежище немощных, лукаваго не устрашимся, злочестивых шатания да избегнем, и небесных сокровищ прияти вседушно уповаем.

ПЕСНЬ 3. Ирмос: Лук сильных изнеможе, и немощствующии препоясашася силою, сего ради утвердися в Господе сердце мое.

Укрепишася отметницы нечестивии зело у престолов церковных и в чертозех царских, и в гордыни своей высокая и хульная глаголаша, ты же, святителю, словом твоим утверждение во Господе верным подаеши.

Изнеможе лук злоначальнаго, и тул льстиваго истощися в конец, тебе же силою Господь препояса на врази Своя, даде тебе молящуся молитву, аки огнь сопротивныя опаляющ, и благослови лета праведнаго угодника Своего.

Снизшедшаго с Небесе и возшедшаго воспроповедал еси, отче Геннадие, Иже имать судити концем земным в правде, аще и неведом час пришествия Его, темже и лет на осьмую тысячу Пасхалию исчисляеши, святителю, яко да не престанет служение Истины до пришествия Христова.

Богородичен; Неплодствие духовное наше разреши, Дево, и неведения мрак отжени от сердец страстьми обуреваемых, яко да принесем благочестия плод неистленный.

Велия исправления о церковном благолепии являя/ Православную веру.

В немощи человечестей Державствующему поползнувшуся и козньми льщения запятому, дерзость вражию добльственне отразил еси и Царю наставник ко спасению явился еси, Геннадие мудре, и тако спасеся Русь Святая, скиптром и жезлом архиерейским укрепляема, темже и ныне о нас молися, святителю, оставление нам грехов даровати, и мучительства горькаго от беззаконных властехитителей находящаго люди твоя ныне избавити.

СЛАВА, седален мученицы, И НЫНЕ: Богородичен его.

ПЕСНЬ 4. Ирмос: Любве ради, Щедре, Твоего образа на Кресте Твоем стал еси, и растаяшася языцы, Ты бо еси, Человеколюбче, крепость моя и хваление.

От юга пришедшаго и от Святыя Девы воплощшагося Бога исповедал еси пред верными и неверными, овех убо укрепляюще, овех же мечем слова Божия посекающе яко к смерти падших и болезнующих неисцельне.

На Божественней стражи о стаде овец Христовых стал еси, дондеже нечестивых посрамление узрел еси, святителю, паству твою призирая, принося во брани укрепльшему тя Богу хваление.

Оле лукавствия нечестивых, яве убо благочествующе, тайне же жидовствующе, всяку святыню церковную руганиями укоряюще, слуги сотворишася демоном, но якоже воск от лица огня, словесы твоими, отче, растаявахуся.

Богородичен: Ускори на помощь люте нам и напастьми погружаемым, Чистая Мати Господня, нечестивых шатания низложи, поющия же Тя заступи.

ПЕСНЬ 5. Ирмос: Просвещение Твое, Господи, низпосли нам и от мглы прегрешений разреши ны, Блаже, Твой мир даруяй.

От ноши утренева дух твой ко Господу о вере поругаемой богохульством лютым, темже и Писаний Божественных полный свод списал еси, Богомудре, имже вся Русь просветившеся, благодарственная тебе воспевает.

Росою словес твоих исцеление недугующим ересию и ум иждившим подаеши, святителю, земля же нечестивых падеся, неисповедующих Трисиятельнаго Богоначальнаго Света и отмешущихся воплощения Единороднаго.

Воистину паче мертвых воскресения велие и преславнейшее чудо есть, еже умершему зловерием хульньм паки на благочестие прейти и к благохвалению обратитеся, о тебе же, отче, сотворшем преславная возвеселяшася сущий на земли.

Богородичен: Света никтоже узрит, отметайся иконы Твоея поклонении, чести же образу не воздавый, како от первообразныя светлости осияние прияти возможет.

ПЕСНЬ 6. Ирмос: Приидох во глубины морския и потопила мя есть буря многих грехов: но яко Бог из глубины возведи живот мой, Многомилостиве.

Глубиною злобы и пучиною хуления поглощену зряще Церковь Русскую, возопил еси всем сердцем твоим ко Господу, и паче надежды услышан был еси отче, темже и ныне прибегаем к молитве твоей.

Низшел еси разумением твоим до самыя бездны тайных начинаний вражеских, да из истления возведеши души заблудшия, оле неистовства богопротивных.

Хранящий суетная и ложная Милостиваго и Праведнаго оставиша Господа, и на чтущия Того всею злобою языка льстиваго вооружишася, ты же, святителю, во гласе хваления и исповедания истинную жертву жряще, козни тех до конца низложил еси.

Богородичен: Не отврати лица Твоего от нас, Владычице, но призри милостивно на согрешшия люди Твоя, аще бо и падаем множицею лютыми грехи, но милости Твоея присно взыскуем и Тебе, яко Богородицу и Заступницу теплую славим.

Яко незлобивых наставника кроткаго/ и лживых обличителя дерзновеннаго/ Церковь почитает тя, святителю Геннадие,/ темже и вопием к тебе с любовию:/ простоты нам даруй, дух и умиления/ и во исповедании правом/ соблюди неврежденны души наша.

ИКОС. Приидите правды Божия алкателие, и небесных взыскателие, возвеселимся в памяти предстателя нашего крепкаго Геннадия, и наказанию его внемлем: яко львы рыкающи еретицы, ищущие, кого поглотити, первее к нерадивым и ленивым приражаются и сокровенныя и студныя дела нераскаянных удобь отпущают и разрешают, к себе же самем тем привязующе узами греховными, темже и припадем к пастырю доброму, яко да исходатаит нам от Господа сердце люботрудное во взыскание небесных и во исповедании правом соблюдает неврежденны души наша.

ПЕСНЬ 7. Ирмос: Авраамстии иногда в Вавилоне отроцы пещный пламень попраша песньми взывающе: отец наших Боже, благословен еси.

Христоубийц прельщение и неистовство во дни твоя пещи огненней уподобися, ныне же седмерицею на Церковь твою воспламенеся, ускори нам в помощь, святителю, да взываем с тобою: отец наших Боже, благословен еси.

Яко Даниил в рове львином посреде отступник тайных ходяще, тех уста лукавыя заградил еси, отче Геннадие, темже ныне ко свету изшед невечернему воспеваеши: отец наших Боже, благословен еси.

Пламень разженный безумия и буесловия человеча преложил еси на росу духовную Православия, и взывати научил еси: отец наших Боже, благословен еси.

Богородичен: Тя, Пречистую Владычицу, яко чаяние пророк древних исполнившую песньми немолчными воспеваем: воистину Бога плотию одеявшая и человеком Того даровавшая, благословенна еси.

ПЕСНЬ 8. Ирмос: Избавителю всех Всесильне, посреде пламени благочествовавшая, снизшед оросил еси, и научил еси пети: вся дела благословите, пойте Господа.

Татем и разбойником приступившим, на нетленное богатство мысленное благочестия догматов возбесившимся прещением запретил еси, святителю, верныя же научил еси пети: вся дела благословите, пойте Господа.

Аще не у прииде Мессия истинный, всуе ожидаете Того, врази и преступницы во гресех своих пребудете, дондеже пришед во огнь вас отслет несветимый, нам же не возбраните взывати присно: вся дела благословите, пойте Господа.

Троичен: Трисияет светлость едина: Безначальный и Безвиновный, со предвечно Рожденным и инообразно Исходящим и Животворящим всяческую тварь, принеси, о Благая, смолебника приими и угодника Твоего Геннадия, иже любовию Твоею подвигся, научает и нас благословити и пети Тя во вся веки.

ПЕСНЬ 9. Ирмос: Ева убо недугом преслушания клятву вселила есть, Ты же, Дево Богородице, прозябением чревоношения мирови благословение процвела еси, тем Тя вси величаем.

Во гресех своих никакоже да умрем, клятвы Евины наследницы, аще верою теплою и усердием всяческим Иже от тебе, святителю, Проповеданнаго приимем и Тому Единому поработаим, яко Избавителю и Просветителю и Помощнику крепку, и Мздовоздаятелю праведному, бездну щедрот имущему.

Предстатель теплый буди о нас, Геннадие, стадо твое от волков губящих е огради, паче же словом Божественным напитай души гладныя, да тя вси величаем.

Троичен: Иже Божество Едино ведети мнящий, Тройческаго же богочестия отвергающийся, не в небесных, но в преисподнейших земли отца себе обретоша, иже ни едину тварь сотвори, ни роди, точию всякую лжу от утробы изведе своея и всыновление свое дарова благоволившим к неправде.

Богородичен: Светом Сына Твоего души наша просвети и помыслы осияй, Благая Владычице, да чистым сердцем и мыслию высокою Тя вси величаем.

Светилен: Днесь великий Новограде, просветися, восплещи песньми духовными в памяти председателя твоего Геннадия в лике возсиявша святителей твоих, в нихже тебе похвала и утверждение.

НА ХВАЛИТЕХ, глас 4.

Хвалите Господа на силах Его,/ хвалите во угоднике Его чудеса Его,/ како противу сонма лукавнующих добре стояше,/ яко камень морский противу вод многих,/ и нам наследие благое оставил есть/ догматов отеческих богатство многоценное/ в просвещение и спасение душ наших.

Хвалите Господа во гласе трубнем,/ восхвалите в песнех благодарственных/ святителя Господня Геннадия,/ иже полный свод Писаний Божественных/ даровал есть в назидание людем своим,/ во отгнание клевет и злохулений еретических,/ в просвещение и спасение душ наших.

Хвалите Господа в тимпане и лице,/ воспойте же ныне и угодника Его,/ святителя Геннадия мудраго,/ похвалу пресветлую земли Новгородския/ и всея России наставника и предстателя,/ люди своя во благочестии укрепляюща/ и козни вражеския прозревати научающа/ в просвещение и спасение душ наших.

Хвалите Господа в кимвалех доброгласных/ и в светлыя дни Пасхальныя,/ егда всякое дыхание хвалит Содетеля,/ и угодника Его Геннадия помяните, людие,/ на осьмое тысячелетие Пасхалию нам составльшаго,/ темже и предания о ней держимся крепко,/ и летосчисления церковнаго,/ времена и лета в своей, а не в нашей власти положившаго,/ славяще непрестанно/ в просвещение и спасение душ наших.

К тебе, дивный угодниче Христов, святителю Геннадие, прибегаем недостойнии, к тебе припадаем, яко предстателю и учителю нашему, яко служителю Господню непорочному, яко Православия поборнику изрядному и веры правые хранителю неусыпному! Наипаче кротости твоей и незлобию удивляемся, яко паче иных многих святых поношения и поругания терпиши не точию в жизни временней, но и ныне в славе небесней предстояще Господу, от земли злословия множицею слышиши. Приими же и от нас сие малое пение, от души благодарныя приносимое, и покрый Церковь нашу, и страну, и град твой, и верных остаток от беды и напасти горькия, с неюже от юности твоея на земли брався, одоления тоя телесныма очима узрети не сподобился еси. Мы же ныне паче в горшая приидохом, окрест себе и в себе самех отступление зряще, кривоверие же и двоедушие лукавое, и якоже ты рекл еси: яве благочествующе, отай же жидовствующе ходим, сего ради и имя твое зело презренно сотворися в человецех. Темже к тебе припадаем, святителю Христов и стада Его блюстителю, даруй нам вреда сего избежати, помыслов простоту подаждь нам, да престанем от непщевания вины о гресех, очисти сердца наша любогреховныя, укрепи произволение двоящееся и изнемогшее, и всея души нашея тричастное составление во страсе Божием, и безстрастия во глубине потопи, молимся, да с тобою, яко в тимпане, победное пение Пресвятой Троице сподобимся воспети во исходе от многотруднаго и сквернаго сего телесе и вечных благих не лишитися, еже присно хваление воздавати Отцу и Сыну и Святому Духу, ныне, и присно, и во веки веков. Аминь.

Святитель архиепископ Геннадий Новгородский

Вся информация:

Тропарь Геннадию Новгородскому

Уподобился еси древним отцем,

святителю отче Геннадие,

Священныя Книги собрав и еретики посрамив,

ревность по Бозе показуя, паству оградил еси,

моли и ныне Христа Бога

мир Церкви даровати

и спастися душам нашим.

Кондак Геннадию Новгородскому

Велия исправления о церковном благолепии являя,

Православную веру утвердил еси,

святителю отче Геннадие,

не престай молитися о нас,

во Царствии Небеснем Безсмертныя трапезы наслаждался.

Молитва святого геннадия

• память 23 января / 5 февраля в соборе Костромских святых;

акафист в формате doc (72 kb) >>>

Акафист преподобному Геннадию Могилёвскому

(Костромскому и Любимоградскому) чудотворцу

Избранный измлада Господу работати, подвизався добрым подвигом веры, течение твое доблестно скончал еси. Водворяяся же днесь в Небесных Селениих, молися еже избавитися нам от лютых обстояний, от всех зол и напастей, да зовем ти:

Р адуйся, Геннадие, теплый наш к Богу молитвенниче и чудотворче.

Ангелскому житию восхотев подражати, измлада явился еси тщаливейший в дому Божием делатель, нося в сердцы законы и оправдания Его. Сего ради радостно вопием ти:

Р адуйся, всякое мудрование плоти умертвивый.

Р адуйся, еще от пелен путь истины познавый.

Р адуйся, презревый вся суетная блага мира, Господа ради.

Р адуйся, всею душею Богови прилепивыйся.

Р адуйся, воине Царя Небеснаго.

Р адуйся, подвигом добрым подвизавыйся пред Ним.

Р адуйся, благая отрасле благаго корене.

Р адуйся, светильниче страны Любимоградския.

Р адуйся, Геннадие, теплый наш к Богу молитвенниче и чудотворче.

Видаяще тя приснии еще юна зело, не отходяща от церкви, и пребывающа в посте и молитве, тщахуся ослабити духовный подвиг твой. Ты же, от юности твоея, вдавый сердце Богови, пребыл еси непоколебимь, духом горя, Господеви работая и воспевая: Аллилуиа.

Разум, исходяй от Отца светов, яко бисер драгий обрет, тем озаряемь, всяку мглу греховную далече отгнал еси от себе; управляемь же сый, яко путеводною звездою, в пустыню, сподобился еси очима твоима зрети труды и подвиги Корнилиа и внимати словесем мудрости его. Мы же восхваляюще тя вопием сице:

Р адуйся, лучами Божия мудрости озаренный.

Р адуйся, благодатною силою во всяцем деле блазе утвержденный.

Р адуйся, похоть плоти, похоть очес и гордость житейскую низложивый.

Р адуйся, некрадомое добродетелей сокровище стяжавый.

Р адуйся, пустыню облагоухавый дел твоих добротою.

Р адуйся, заблудших на путь заповедей и оправданий Господних наставивый.

Р адуйся, иноком давый образ кротости и смиренномудрия.

Р адуйся, обитель твою молитвами твоими ограждаяй и спасаяй.

Р адуйся, Любима града прибежище и радование.

Р адуйся, помощниче притекающих к тебе с верою.

Р адуйся, Геннадие, теплый наш к Богу молитвенниче и чудотворче.

Силою, данною ти свыше, в пустынях подвизаяся, аще и многи напасти и озлобления от враг видимых и невидимых претерпел еси; обаче та вся доблестно победил еси, и козни их разрушил еси, воспевая к Богу: Аллилуиа.

Имея от юности твоея всажден в сердцы твоем страх Божий, не дал сна очима твоима, и веждома твоима дремания, дондеже обрел еси в пустыни Любимоградской, при водах Сурских, место Господеви, селение Богу Иаковлю, и рекл еси: се покой мой во век века, зде вселюся, яко изволих и. Мы, чудящеся всеблагому о тебе Божию смотрению, вопием ти:

Р адуйся, яко измлада познал и всею душею твоею возлюбил еси Отца Небеснаго.

Р адуйся, яко вся суетная и тленная презрел еси.

Р адуйся, яко вся земная, уметы быти вменил еси, взыскуя Иерусалима Горняго.

Р адуйся, яко изволил еси подъяти всяко поношение паче, нежели вкушати временную греха сладость.

Р адуйся, яко скорбьми многими вшел еси в радость Господа твоего.

Р адуйся, яко странник и пришлец сый, создал еси дом Божий, храм Господеви, в немже от лет многих призвася святое имя Его.

Р адуйся, вод Сурских ликование.

Р адуйся, града Любима ограждение.

Р адуйся, Костромских предел благолепное украшение.

Р адуйся, Геннадие, теплый наш к Богу молитвенниче и чудотворче.

Бурю злоречия, клевет и шептания, по действу змия древнаго, исконнаго отца лжи, окаяннии воздвигоша на тя в обители доблестнаго Корнилиа. Обаче Господь, ведый избавляти и утешати преподобныя своя, обрати студ на главу враг твоих; тебе же на широту изведе, и постави на пространстве нозе твои, Емуже принося жертву хвалы и благодарения, вопиял еси выну: Аллилуиа.

Слышаша ближнии и дальнии, от днепровских до волжских стран о богоугодном житии твоем, твои подвизех и терпении мнозем; град же Москва, в пришествие твое с Серапионом и Уаром, чудящеся, из уст твоих прияша проречение, егда рекл еси непорочной, яко агницы сущей Анастасии: ты еси розга прекрасная, венцем царским будеши благоукрашена; еже и сбыстся во время свое. Хваляще Бога, давшаго ти дар прозрения, вопием:

Р адуйся, духа пророчества богомудренным житием стяжавый.

Р адуйся, благодатию душу свою ожививый и чистотою возвысивый ю.

Р адуйся, сбытием пророчества обрадовавший царство православное.

Р адуйся, яко рукою благочестивой Анастасии утрошася слезы многих.

Р адуйся, яко царица суще, державцу Русския земли славу во благочестном жителстве приумножи.

Р адуйся, яко отложив во успении венец тленный, сподоблся еси прияти венец славы нескончаемыя.

Р адуйся, яко и мнозем женам, сущым в болезни и скорбех, помощь и утешение подавал еси.

Р адуйся, яко и немощнии младенцы не отщетишася от твоея помощи, на цельбу и возраста преспеяние от святыя раки твоея получиша.

Р адуйся, яко и всем притекающым ко гробу твоему скорый являешися помощник.

Р адуйся, Геннадие, теплый наш к Богу молитвенниче и чудотворче.

Боготечной уподобився звезде, притекл еси от юга во страны севера; и лучами добродетелей твоих озарив пустыню любимоградскую, научал еси, отче, исповедатися Богу Небесному и пети имени Его, зовуще: Аллилуиа.

Видя благодать яже в тебе и дар Святаго Духа, царь Иоанн изволи, да и чада его твоею рукою, преподобне, обновляются в пакибытие. Мы же славяще Бога, возносящаго смиренных сердцем, и венчающаго их милостию и щедротами, взываем:

Р адуйся, Геннадие, яко старцы и послуша тя и мудрии в совет твой внидоша.

Р адуйся, яко и пред цари глаголал еси о судьбах и оправданиих Господних.

Р адуйся, яко слово твое бысть выну во благодати, солию растворенно.

Р адуйся, яко николиже слово праздно и гнило изыде из уст твоих, паче же вся бяху к назиданию верных.

Р адуйся, яко был еси сосуд в честь, освящен, благопотребен Владыце.

Р адуйся, яко соблюл еси таинство веры в чистой совести.

Р адуйся, яко пребыл еси во истине благовествования.

Р адуйся, яко ангелу благовестнику уподобился еси, предрек славу Анастасии, о нейже возвеселишася богатии и убозии.

Р адуйся, Геннадие, теплый наш к Богу молитвенниче и чудотворче.

Пустынножительствовавый на Свире реце преподобный Александр, радостно прият тя с содругом твоим Феодором, и прозорливец сый, предпоказа в тебе благаго и мудраго иночествующым вождя и наставника. Слышавшии таковая проречения, прославиша Господа, глаголюще: Аллилуиа.

Возсия, яко звезда утренняя, и яко луна полна во днех своих, слава подвигов, труждения и терпения твоего; пустыня бо возвести о тебе, и добродетели твоя окрест живущым поведа. Сего ради якоже они, такожде и мы благодаряще Бога, вопием ти:

Р адуйся, презревый славу мира, ища Божия славы.

Р адуйся, сбытие пророчества, еже о тебе, добре показавый.

Р адуйся, явивыйся присный ревнователь преподобным Александру и Корнилию.

Р адуйся, среди житейских обуреваний обретый тихое пристанище.

Р адуйся, пустыню и езеро освятивый ангелоподобным жителством твоим.

Р адуйся, положивый основание твердо обители твоей, и молитвами твоими оградивый ю.

Р адуйся, образ честнаго жителства иноком собою давый.

Р адуйся, словом и делом наказавый буия и строптивыя.

Р адуйся, заблудших наставниче и всех притекающих к тебе скорый помощниче.

Р адуйся, Геннадие, теплый наш к Богу молитвенниче и чудотворче.

Прославити хотя пустыню непроходную и просветити сидящыя во тме и сени смертней, всеблагий Бог, державным манием Василиа Иоанновича указует ти место, да созиждеши олтарь Богови и селение исповедающым имя святое Его. Ты же, Господу споспешествующу, сия соделав, с сонмом подвижников и со всеми, иже видеша благословение на делех рук твоимх, воспел еси: Аллилуиа.

Новый и дивный злочестия обличитель явился еси, преподобне, егда святотатственную простершаго ко олтарю руку, разслаблением наказл еси; егда же исповеда грех свой пред тобою, и в раскаяние прииде, того благодатною силою исцелил еси, и на путь спасения наставил еси. Сего ради память твою, угодниче Божий, чествующе, зовем ти сице:

Р адуйся, злочестия обличителю.

Р адуйся, кающихся во гресех своих утешителю.

Р адуйся, заблудших наставниче.

Р адуйся, молитвами твоими подаваяй исцеление телесное, вкупе же и душевное.

Р адуйся, заступничеством твоим низлагаяй демонская возстания.

Р адуйся, благодатию яже в тебе подаваяй силы к животу и благочестию.

Р адуйся, свыше данною ти премудростию умудряяй неразумныя.

Р адуйся, яко всем притекающым к тебе с верою, присно подаеши утешение и радование.

Р адуйся, Геннадие, теплый наш к Богу молитвенниче и чудотворче.

Странное чудо явися, егда немоществующий болярин Борис, прияв с благоговением посох от руки твоея, преподобне, здрав бысть. Иерей же Василий, гордостно презрев прятый от преподобнаго дар, и поверг оный, тяжко искушен бысть. Познав же грех свой, и принес покаяние Богу, прослави правду Его, и угодника Его, вопия: Аллилуиа.

Весь ум вперив в горняя, единаго, искупльшаго нас Господа возлюбил еси, Тому последовал еси и Того язвы на теле своем носил еси, с Нимже и прославляешися днесь. Сего ради восхваляем тя:

Р адуйся, обретый премудрость, юже никтоже от князей века сего разуме.

Р адуйся, не духа мира сего приявый, но Духа Иже от Бога.

Р адуйся, верою уразумевый тайны судеб Божиих.

Р адуйся, показавый веру твою не в мудрости человечестей, но в силе Божией.

Р адуйся, яко Града Небеснаго взыскал еси.

Р адуйся, яко к Иерусалиму Небесному востекл еси.

Р адуйся, яко на вечерю брака Агнча зван еси.

Р адуйся, не к тому себе пожив, но Богови, днесь во Царствии Его вселяешися.

Р адуйся, Геннадие, теплый наш к Богу молитвенниче и чудотворче.

Всякими духовными даровании украшен, всякия цельбы податель явился еси, блаженне. Темже хваляще и благодаряще Бога, вопием: Аллилуиа.

Витии немотствоваху и мудрии века сего изумевахуся, видяще, како бесный, люте страждай, и путы железными связан сый, пред гробом твоим, преподобне, абие исцеле и воздаде хвалу Богови, дивному во святых Своих. Таяжде творяще, и мы глаголем:

Р адуйся, силы многи сотворивый.

Р адуйся, демонская сопротивувостания ни во что же вменивый.

Р адуйся, обдержимых лютыми недугами уврачевавый.

Р адуйся, безутешным утешение и радость о Господе подавый.

Р адуйся, омраченных умом в разум истины приведый.

Р адуйся, от сердечнаго окаменения и нечестия многих обративый к Богу.

Р адуйся, яко немощствующым духом и телом простерл еси руку помощи.

Р адуйся, яко безнадежных и отчаянных сущих, утвердил еси во уповании на Бога жива и истинна.

Р адуйся, Геннадие, теплый наш к Богу молитвенниче и чудотворче.

Спасения иский, яко бисера многоценнаго, и к Богу душею возжадав, якоже елень на источники водныя, ничтоже земное в себе

помышлял еси; работая же Госпеодеви со страхом и радуяся пред Ним с трепетом, сподобился еси, блаженне, с лики

избранных предстояти Престолу Царя славы, и присно воспевати: Аллилуиа.

Стена и прибежище был еси, Генндие, в веце сем: в пустыню бо, в ней же восхотел еси вдворитися, к тебе притекаху славнии земли, богатии и убози, вожделевающе, да приимут от руки твоея благословение, да слово уст твоих утешит, и молитва твоя оградит их от враг видимых и невидимых; и мы такожде, притекающе верою к раце твоей, и моляще о заступлении нас грешных и неключимых раб, вопием:

Р адуйся, яко страстей возстание победил еси.

Р адуйся, яко призывающих тя предварил еси в день озлобления.

Р адуйся, яко потопляемых напастей бурею, изхитил еси из пучины зол.

Р адуйся, яко влаемых волнами житейских попечений, к тихому пристанищу управил еси.

Р адуйся, ищущих Царствия Небеснаго и правды его, молитвами твоими утверждаяй на камени заповедей Господних.

Р адуйся, обители твоея столпе и утверждение.

Р адуйся, подвизающихся во благочестии неусыпный спомощниче.

Р адуйся, покаянныя слезы проливающих ко Господу сомолитвенниче.

Р адуйся, Геннадие, теплый наш к Богу молитвенниче и чудотворче.

Пения и славословия, подвиги и молитвенныя труждения, паче же всего себе принесл еси, преподобне, в жертву живу, святу, благоугодну Богови. Сего ради, стяжав блаженное безсмертие, в чертозе Царя славы, с тмами тем безплотных сил ликовствуя, воспеваеши: Аллилуиа.

Светозарной звезде уподобився, от Могилева града, от предел днепровских, аможе первии возсияша, посреде идольскаго нечестия, лучи благодатныя веры, притекл еси, да и во мраце пустыни костромския узрят людие славу Божию и чудеса Его поведят. Сия убо зрим ныне, и славяще Бога, глаголем:

Р адуйся, напоивый себе струями вод благодатных.

Р адуйся, утвердивый себе в вере, еюже просветися равноапостольный великий князь Владимир.

Р адуйся, осиянный благословением святыя Афонския горы, почивающим на обители печерских чудотворцев.

Р адуйся, их житию подражавый.

Р адуйся, яко оставль богатство и славу дома отчаго, пустыню возлюбил еси.

Р адуйся, яко хлад и зной и всяку тяготу понесл еси.

Р адуйся, яко поругания и озлобления, Господа ради, претерпел еси.

Р адуйся, яко в терпении мнозе стяжав душу свою, живот вечный наследовал еси.

Р адуйся, Геннадие, теплый наш к Богу молитвенниче и чудотворче.

Благодать и силу данную ти от Бога, еже целити немощствующыя духом, немощствующыя телом, еже спасати погибающих и избавляти от лютых обстояний, даяти же даяния благая, с верою и любовию притекающым к тебе; знаменьми и чудесы научени суще, свемы. Темже молимся ти, преподобне, молися о нас, яко скобьми паче же многими грехми обдержими есмы выну, да ходатайством твоим улучивше спасение, воспоем Господеви: Аллилуиа.

Поюще и превозносяще Бога, дивнаго во святых своих, благолепно чествуем святую память твою, угодниче; еще бо во днех плоти твоея чудодейственныя благодати был еси причастник; по блаженном успении твоем наследствуя с лики святых вечную жизнь, молиши о чтущих тя. Сего ради вопием:

Р адуйся, прославивый Бога в души и телеси своем.

Р адуйся, яко славы от человек не приял еси, слава же Господня осия тя.

Р адуйся, яко обитая в Небесных селених, не оставляеши нас ходатайством твоим.

Р адуйся, яко надеющеся на тя, возсылаем молитвы нашя и тобою хвалимся.

Р адуйся, яко надежда притекающих к раце твоей с верою, николиже посрамися.

Р адуйся, яко старцы и младенцы возрадовашася о тебе.

Р адуйся, яко присный хранитель еси Любимоградския страны, сподобльшаияся хранити святыя мощи твоя.

Р адуйся, яко память твоя во блгословении и чудеса твоя возвещаются в роды родов.

Р адуйся, Геннадие, теплый наш к Богу молитвенниче и чудотворче.

О святче Божий и чудотворче, преподобне Геннадие! Приими молитвы и благохваления наша, приносимыя тебе днесь, по достоянию, и не забуди нас притекающих к тебе, и ищущих помощи твоея и заступления. Паче же буди ходатай наш пред Богом; да отбегше нечестия, и избавльшеся от всякаго злаго обстояния, сподобимся наследити Царство Небесное, и тамо с лики святых, славити Отца и Сына и Святаго Духа, и во вся веки воспевати пред Ним: Аллилуиа.

Кондак сей глаголи трижды, таже икос 1-й и кондак 1-й.

Молитва ко преподобному Геннадию

Избранниче Божий и чудотворче, преподобный отче Геннадие! От юности твоея исполнен сый духа премудрости и разума, духа благочестия и страха Господня, и приим вся оружия Божия, препоясав чресла твоя истиною, оболкся в броню правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженыя угасити. Сего ради, водворяяся днесь, с лики безплотных сил, в обителех Отца Небеснаго, неувядаемым венцем увязен еси; и предстоя Престолу Царя славы Господа сил, имаши дерзновение возносити к Нему моления и благохваления твоя. Мы же окаяннии, возводяще из глубины зол очи и сердца наша к горнему Сиону, жилищу Бога Иаковля, молим тя, преподобне Геннадие: буди заступник и ходатай наш пред Богом и Господем нашим, Судиею праведнейшим, Егоже выну прогневляем, вогрешающе пред Ним. И якоже во дни плоти своея, дивная и преславная совершил еси, отче всехвальне, тако и ныне прешед от нас в обители Отца Небеснаго удиви ходатайством своим милость Господню на нас. Да отбегше нечестия и мирских похотей, Богови же благоугодивше, обрящем помощь Его во время благопотребно, и благословение на ны и на дела рук наших, и да сподобит нас наследити Царство Небесное, и с лики святых славити и воспевати пречестное и великолепое имя Отца и Сына и Святаго Духа, ныне и присно, и во веки веков. Аминь.

Источник: http://akafistnik.narod.ru/rus.htm#Г "Акафисты русским святым", издательство "Титул", 1995 г.

Приход во имя святителя Лаврентия, епископа Туровского, чудотворца.

Минской епархии Белорусского экзархата Русской Православной Церкви. http://hramlavrenty.narod.ru/

223049 Республика Беларусь. Минский район, а/г Щомыслица, ул. Жуковского, 50. Храм свт. Лаврентия Туровского.

Настоятель храма протоиерей Александр Викторович Головин.

Оценка 3.3 проголосовавших: 15
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here