Молитва макарию алтайскому

Постараемся детально ответить на вопрос: молитва макарию алтайскому на сайте: молитва-богу.рф - для наших многоуважаемых читателей.

Православные акафисты

Избранный из всех родов Российстих на служение в горах Алтая и просвещение людей, живущих во тьме язычества и суеверия, отче Макарие! Прославльшего тя Господа мы величающе, тебе похвальная пения воспеваем. Служением своим языцы просветивший и свет Боговедения тем явивший, от скорбных обстояний и всяких вед избави нас, тебе зовущих:

Радуйся, преподобне Макарие, апостоле алтайский.

Ангелов Творец и всея твари Создатель направи стопы твоя, преподобне отче, к народу, седящему во тьме неведения и ищущему Солнца Правды. Ты же равноапостольного служения желая, мнози науцы с молитвою к Богу изучил еси, и талант данный ти Господем, в земли не сокрывая, разум свой на пользу матери-Церкви являя, первый среди ученик явился еси. Паче же иных в молитве и служении Господу преуспел еси, отче, тем же и мы с радостию зовем ти сицевая:

Радуйся, от юности Господа возлюбивый.

Радуйся, сладость молитв к Нему вкусивый..

Радуйся, страны Алтайския первый священниче.

Радуйся, и ныне о ней ко Господу молитвенниче.

Радуйся, яко тобою свет веры языком явися.

Радуйся, яко тобою алтайский народ просветися.

Радуйся, вся блага мира сего ни во что же вменивый.

Радуйся, свещниче, с вершины горы чада своя осветивый.

Радуйся, преподобне Макарие, апостоле алтайский.

Видя усердие твое, преподобне отче Макарие, учителие твои, среди оных святитель Филарет Московский, на путь тесный тя наставляя и иноческому житию поучая, радовашеся, зря любовь твою ко Отцу, Иже на небесех, ему же вси со умилением зовем: Аллилуиа.

Разумом ко Господу устремляяся, все житейское попечение отложил еси, преподобне отче, став на горний путь иноческого жития, Господу молился еси и Тому единому служил еси. Сего ради прими от нас похвалы сия:

Радуйся, благочестивых родителей чадо прелюбезное.

Радуйся, от них получивый для веры вся полезная.

Радуйся, от отца любовь ко служению и проповеди унаследовавый.

Радуйся, от матере дар кротости и смирения приявый.

Радуйся, успешным обучением родителей возвеселивый.

Радуйся, любовь свою ко Господу и родителем многажды проявивый.

Радуйся, святителя Филарета друже и учениче.

Радуйся, в усердной молитве возросший светильниче.

Радуйся, преподобне Макарие, апостоле алтайский.

Силою Вышняго укрепляемый, преподобне отче, вся искушения мира претерпевая, лишения и скорби кротостию и смирением побеждая, людем светским истинную веру показал еси, непрестанно вопия к Богу: Аллилуиа.

Имея мысль благу равноапостольным служением Господу угодити, стопы своя направил еси в земли Сибирския. Видя языцы, истиннаго Господа не знавшия, проповедал еси им Царя Славы, наречие местное изучил еси и родным для просвещаемых стал еси. Тем же мы, видя таковая, вопием ти:

Радуйся, отче, трудности на пути не убоявыйся.

Радуйся, с любовию за апостольское служение взявыйся.

Радуйся, горняя селения с проповедию обходивый.

Радуйся, чад своих искренне полюбивый.

Радуйся, Святое Писание народу алтайскому даровавый.

Радуйся, от Господа дар неусыпной молитвы приявый.

Радуйся, яко жизни оседлой языцы научил еси.

Радуйся, яко о спасении детских душ молился еси.

Радуйся, преподобне Макарие, апостоле алтайский.

Бури искушений и скорбей побеждая, языцы наставлял еси во истинней вере, преподобне отче, неустанно проповедая, народы Алтлйстии научал еси. Жителем же местным собою образ благочестия являя и ко спасению тех наставляя, воистину преподобными подвиги украсился еси, отче Макарие, Господу непрестанно вопия: Аллилуиа.

Слышавше, преподобне Макарие, ближнии и дальнии о проповеди и житии твоем, притекаша к тебе, яко ко источнику чистому и исцеления деющему, крещения желающе и ищущие пути спасительного. Ты же, отче, приходящих братским целованием лобызая и истинней вере поучая, многих ко спасению привел еси. Мы же видевшее благоразумие твое, вопием ти:

Радуйся, благодатию свыше облеченный.

Радуйся, муже высокопросвещенный.Радуйся, даром прозорливост и одаренный.

Радуйся, к служению Божию Духом призванный.

Радуйся, алтайскому народу на его языце евангелие давый.

Радуйся, многия духовныя письмена написавый.

Радуйся, смирением и кротостию зло победивый.

Радуйся, многих из языков к вере истинней обративый.Радуйся, преподобне Макарие, апостоле алтайский.

Боготечная звезда явился еси, отче, на горах Алтая. Незабвенным архимандритом от сослужащих прозван был еси. Всего себе отдал народу просвещаемому, Господу непрестанно вопия: Аллилуиа.

Видевше тя верныя чада церкви Христовой, яко светило безоблачно сияюща многими дарованьми божественными, возрадовахуся зело. Словеса спасительная языком вещая, истинно Господу угодил еси. Отрока Михаила, провиденнаго тобою иереем, грамоте обучив, из тьмы неведения к познанию Света Истины привел еси. И сей явися к жизни вечней первый во иерейстем сане из алтайских племен. Мы же, отче Макарие, вопием ти сице:

Радуйся, духовно отрока возлюбивый и вторым отцем ему бывый.

Радуйся, в вере его утвердивый и просвещати соплеменных благословивый.

Радуйся, яко отрок сей, став иереем Божиим, прославися.

Радуйся, яко чрез него мнозие в вере утвердишася.

Радуйся, отче, виноград духовный насадивый.

Радуйся, преподобие свое миру всему явивый.

Радуйся, мнози сироты отеческим теплом согревый.

Радуйся, нагих одеждею нетления одеявый

Радуйся, преподобне Макарие, апостоле алтайский.

Проповедника богодухновеннаго и неусыпнаго молитвенника видим тя, отче Макарие, мнозие ко предстательством твоим спасаются и из тьмы язычества обращаются, непрестанно бо молишися о нас ко Господу, воспевая ему: Аллилуиа.

Возсия свет Христов в душе отрока Иоанна, тобою просвещеннаго, отче Макарие. Грозный родитель сего, идольстии жертвы принося, возпыла на тя, отче, гневом, и погубити тебе желая, со мнозими сродники притекаху к месту, идеже ты обретался еси, со страшною силою накинуся и убити уже хоте. Конь того же того споткнуся, язычник оземь ударися и еле жив остася. Ты же, отче, любовь свою являя, болящему всю нощь служа, Господа Милосерднаго о прощении несмысленнаго молил еси. Мы же, видя таковую твою любовь ко врагом своим, восхваляем тя:

Радуйся, первое чадо Господу в земли Алтайстем явивый.

Радуйся, яко лютаго поносителя с кротостию приявый

Радуйся, Господу моливыйся простити того греси.

Радуйся, яко праведным гневом возгорелся еси на хуливших Господа Славы.

Радуйся, смирением своим покоривый жестоцыя нравы.

Радуйся, поносителю своему при одре служивый.

Радуйся, яко молитвами твоими язычник, клявшийся идолам в любве, христианином содеяся.

Радуйся, преподобне Макарие, апостоле алтайский.

Хотяше служителие идольстии изгнати тя, отче Макарие, от Алтайския страны, мнозие скорби тебе учиниша: угрозы тебе посылаху и препятствия деяху. Ты же со смирением их поучал еси и о прощении и просвещении тех Господа непрестанно молил еси, вопия ему: Аллилуиа.

Новою и лучезарною лампадою веры Христовой на Алтае, пред Господем возсиял еси, преподобне. Мнозие же люди свет твой, отче Макарие, видя, яко ты Господу единому служиши со благоговением и любовию. Неций же от язык, Борисом нареченный, крещения не желая и гласу твоему не внимая, во тьме язычества косне. Ты же к словам поучений молитву приложил еси, и чудо явися: сей от идол прииде к вере Истинней. Видевше же силу молитвы твоея, воспеваем ти похвалы сия:

Радуйся, по евангельскому глаголу едину овцу взыскавый.

Радуйся, ко ослепленному душею словеса правды вещавый.

Радуйся, яко того самаго язва страшная и жар зельный объяста.

Радуйся, яко сей от язык к покаянию притече и Христовых Тайн причастник явися.

Радуйся, яко Божественною литургиею той с радостию насладися.

Радуйся, яко молитвами твоими от огневицы сей просвещенный оставлен бысть.

Радуйся, яко многая лета и благоденствие ходатайством твоим тому даровашася.

Радуйся, яко тобою свет Христов в стране полунощней воссия.

Радуйся, преподобне Макарие, апостоле алтайский.

Странное и преславное чудо видится всем, отче Макарие, яко земля Алтайская во язычестем суеверии погибающая, явися твоими трудами ко свету Истины. Чада же ея, неведающая некогда Господа, ныне вопиют ему: Аллилуиа.

Все житие твое, равноапостольне отче Макарие, явися образом служения Предвечному Богу и людем края Алтайскаго и всея страны Российския. ты бо трудности и тяготы пути превозмогая, чрез холмы и реци шел еси к ко взыскующим спасительного слова, молитвою и беседою тех утешая и на путь спасительный наставляя, ловцем человеков, подобно апостолом Христовым, соделался еси. Мы же приносим ти похвалы сия:

Радуйся, мнози души из руки велиара исхитивый.

Радуйся, молитвою вся козни того победивый.

Радуйся, лучезарный светильниче веры и благочестия.

Радуйся, неутомимый искоренителю невежества и нечестия.

Радуйся, к чтению священнаго Писания нас возбуждаяй.

Радуйся, жити по Евангелию Христову нас научаяй.

Радуйся, внутрения язвы духовныя наша исцеляяй.

Радуйся, преподобне Макарие, апостоле алтайский.

Всяк притекающий к тебе, богоносне отче Макарие, словом лювве и наставлением в вере бысть встречен, ты же, отче, много воздыхаше о народе, младенчествовавшем во Христе, непрестанно поя Господеви: Аллилуиа.

Витийство человеческое не довлеет к достойному прославлению твоих трудов, преподобне Макарие, обаче приими тебе приносимыя пения наша. Скорби во и подвизи твоя, приснопамятне, ублажающе, с верою и лювовию вопием ти сице:

Радуйся, мнози языцы ко Христу приведший.

Радуйся, чада духовныя во множестве обретший.

Радуйся, новых чад Божиих ревностный учителю.

Радуйся, сирых и убогих присный попечителю.

Радуйся, наказателю, Святую Троицу хулящих.

Радуйся, скорое воздвижение болящих.

Радуйся, милость Богородицы к нам приклоняюший.

Радуйся, у престола Господа Вседержителя чад своих присно поминающий.

Радуйся, преподобне Макарие, Апостоле алтайский.

Спасти хотя мнози словесныя овцы от волков, губящих я, непрестанно проповедовал истину новопросвещенным чадом твоим духовных, как в земли Алтайстей, так и во граде Болхове, идеже промышлением Божиим продолжил еси служение твое, среди народа русскаго, азы веры христианской забышаго и паки в суеверия языческия впавшаго, сострадание и любовь к тем являя и спасения тем желая, мнози труды полагал еси, отче Макарие, дабы вся страна Российская воспевала Господеви: Аллилуиа.

Стена нерушимая – вера твоя, отче Макарие, и служение твое Господеви – миро пред Ним благовонное, мнози собра люди со слезами, егда ты, преподобне, отъезжал еси от предел Алтайских. Стенание и плач стояше над горами, егда паства, тобою ко Господу приведенная, провождаше тя, отче, в дальний путь. Мы же, видя таковую любовь к тебе, воспеваем сицевыя похвалы:

Радуйся, непрестанно труды своя во славу Божию полагавый.

Радуйся, языком свет истинный показавый.

Радуйся, соплеменников твоих в вере утвердивый.

Радуйся, яко сердец твоего ненависть николиже коснуся.

Радуйся, яко уста твоя осуждения отвергостеся.

Радуйся, всем, любящим Господа тихую радость на сердце полагаяй

Радуйся, дружбу и любовь меж христианами укрепляяй.

Радуйся, о благостоянии святых Божиих Церквей Христа умоляй.

Радуйся, преподобне Макарие, апостоле алтайский

Пению ангельскому уподобляшеся, преподобне Макарие, служение тобою Господеви возносимое. По молитве твоей мнози чудеса содеяшася. Языцы благодатию Святаго Духа, на тебе почивающей движимые, прихождаху ко общению со Христом и вопияху Тому: Аллилуиа.

"Свет Христов просвещает всех" – возгласил еси, отче преподобне, егда душа твоя от тела разлучашеся, сим показа всея жизни твоея венец. Тело бо твое по велению архиерея трижды окрест престола обнесено бысть и в землю сокрыто, душа же твоя в селениих горних вселися, славою Божиею осияваема. Мы же видеша таковую твою мирную кончину о Господе вопием сице:

Радуйся, в Божественных чертозех водворивыйся.

Радуйся, яко блаженнаго успения сподобивыйся.

Радуйся, в вечнем блаженстве упокоивыйся.

Радуйся, Бога лицезрением наслаждающийся.

Радуйся, с апостолы Христовы присно торжествующий.

Радуйся, с преподобными величаемый.

Радуйся, вечною радостию преисполненный.

Радуйся, яко Господа ради в земли Алтайстей прославился еси.

Радуйся, преподобне Макарие, апостоле алтайский.

Поюще служение твое, ублажаем тя, преподобне отче Макарие! Буди нам молитвенниче и защитниче от стрел лукаваго, укрепляя и наставляя нас к проповеданию Слова Божия среди язык и безбожник. Прими похвалы тебе, отче приносимыя, и услыши ны, во умилении вопиющих ти сицевая:

Радуйся, служений благоговейных любителю.

Радуйся, скорый молящихся услышателю.

Радуйся, блага житейския преславно нам подаваяй.

Радуйся, путь, ведущий к Богу, многим освещаяй.

Радуйся, проповедником веры истинной помощниче.

Радуйся, пришедших ко Христу от злых преследований защитниче.

Радуйся, яко ангели о твоих подвизех радуются.

Радуйся, яко мнози человецы по твоему примеру и предстательству спасаются.

Радуйся, преподобне Макарие, Апостоле алтайский.

О пречудный проповедниче и преславный угодниче Божий, земли Алтайския молитвенниче, преподобне отче наш, Макарие! Приими от нас малое моление, тебе ныне приносимое, яко Господеви ты угодил еси на земли, с Ним же и превыбываеши на Небесех. Сице молим тя: непрестанно молися, да и мы сподобимся в селениих горних воспевати Ему: Аллилуиа!

Этот Кондак читается трижды, затем 1-й Икос и 1-й Кондак

Молитва преподобному Макарию Алтайскому

О предивный угодниче Христов, преподобне отче Макарие! Благодать Всевышняго направи тя, святче Божий, во страну горнюю, во язычестве погибающую. Непрестанно труды своя полагал еси, дабы исхитити из руки врага рода человеческаго души язычников неразумных. Словом своим наставлял еси я, врачуя души и телеса младенствующих во Христе. Молися и о нас ныне, тьмою безбожия окруженных и нападения от язык приемлющих. Утверди наша словеса на проповедание Евангелия, укрепи наша стопы на хождение путем правды и несение той людем заблуждшим.

Ей, угодниче Божий! Молися о всех нас всех, ко святей иконе твоей припадающих. Помози нам устояти от искушений века сего. Испроси у Дароподателя Бога каждому по потребе его. Пастырем, несущим свет, – неустанность во трудех, ко службе великое усердие и пред Святыми Тайнами Благоговение. Верным, молящимся тебе, – крепость в вере, неленость в молитве и почитание святынь Божиих. Новопросвещенным – в вере научение, к молитве великое тяготение, ко службе во храме неленостное хождение. Всем же нам, молящимся тебе, – телеснаго здравия, наипаче же душевнаго спасения. Да и мы с тобою сподобимся во Царствии Небеснем воспевати песнь в Троице славимому Богу, Отцу и Сыну и Святому Духу, ныне и присно и во веки веков. Аминь.

Тропарь преподобному Макарию Алтайскому, глас 4

Христовою любовию подвизаемь, благовестити веру истинную пришел еси народом Алтайским, преподобне, отче наш Макарие, словом и житием тех наставляя, привел еси многих ко спасению, егоже сподоби и нас молитвами твоими.

Кондак преподобному Макарию Алтайскому, глас 3

Языческаго зловерия избегше, проповедию твоею Творца светов познахом. Ему же в Троице покланяющеся, молим тя, равноапостольне Макарие, сохраняй чада твоя в истинней вере Христовой предстательством твоим пред Богом

Читать другие акафисты раздела "Православные акафисты"

Читайте также:

© Миссионерско-апологетический проект "К Истине", 2004 – 2016

При использовании наших оригинальных материалов просим указывать ссылку:

Преподобный Макарий (Глухарев), Алтайский, архимандрит

Преподобный Макарий (Глухарев) , Алтайский, архимандрит

Дни памяти:

7 августа (переходящая) – Собор Смоленских святых

Труды преподобного Макария Алтайского

На 27 го­ду жиз­ни – 24 июня 1818 г. у Ми­ха­и­ла Глу­ха­ре­ва про­изо­шло со­бы­тие, ко­то­рое рез­ко из­ме­ни­ло всю его даль­ней­шую жизнь. Он был по­стри­жен в мо­на­ше­ство в до­мо­вой ар­хи­ерей­ской церк­ви, по­лу­чив имя Ма­ка­рия, 25 июня 1818 го­да он был ру­ко­по­ло­жен в иеро­ди­а­ко­ны, а еще через три дня – 28 июня – в иеро­мо­на­хи. В 1821 г. отец Ма­ка­рий был воз­ве­ден в сан игу­ме­на, за­тем ар­хи­манд­ри­та и по­лу­чил в управ­ле­ние Ко­стром­ской Бо­го­яв­лен­ский мо­на­стырь. Но уже в кон­це 1825 г. был уво­лен на по­кой в Ки­ев­скую Лав­ру с ма­ги­стер­ским окла­дом. К это­му вре­ме­ни здо­ро­вье от­ца ар­хи­манд­ри­та бы­ло так по­до­рва­но, что он не мог про­дол­жать де­я­тель­ность на сво­ем преж­нем по­при­ще. В 1826 г. он пе­ре­во­дит­ся в Глин­скую Бо­го­ро­диц­кую пу­стынь, что в Кур­ской епар­хии. Это бы­ло же­ла­ние са­мо­го ар­хи­манд­ри­та Ма­ка­рия, ко­то­рый, про­слы­шав о ду­хов­ных по­дви­гах на­сто­я­те­ля пу­сты­ни игу­ме­на Фила­ре­та (Да­нилев­ско­го), по­же­лал стать ее уче­ни­ком.

О. ар­хи­манд­рит Ма­ка­рий по всем со­об­ра­же­ни­ям ви­дел, что Ула­ла есть са­мое удоб­ное ме­сто для учре­жде­ния ста­на мис­сии, и осо­бен­но по­то­му, что по ле­вую сто­ро­ну се­го се­ле­ния не в даль­нем рас­сто­я­нии на­хо­дит­ся об­ласть чер­не­вых та­тар, а по пра­вую – ал­тай­ских кал­мы­ков; но не мог на зи­му пе­ре­се­лить­ся сю­да, хоть и же­лал, по­то­му что не бы­ло воз­мож­но­сти иметь здесь квар­ти­ру. В то вре­мя здесь жи­ли три рус­ских пче­ло­во­да и се­мьи че­ты­ре кре­щен­ых ино­род­цев из ко­че­вых та­тар, и некре­ще­ных те­ле­утов се­мейств до пят­на­дца­ти, быв­ших то­гда в ко­че­вом со­сто­я­нии.

По от­кры­тии зи­мы отец Ма­ка­рий пред­по­ла­гал от­пра­вить­ся с ис­прав­ни­ком в те се­ле­ния, в ко­то­рые та­та­ры бу­дут со­би­рать­ся для от­да­чи яса­ка. И до по­ло­ви­ны этой пер­вой зи­мы имел при­ста­ни­ще в Бий­ске. Осталь­ную часть зи­мы про­вел он с Алек­се­ем Вол­ко­вым в Сай­дып­ском ка­за­чьем фор­по­сте. Вес­ною, в мае 1831 го­да, о. Ма­ка­рий пе­ре­ехал в Ула­лу, ку­пив здесь из­бу у рус­ско­го пче­ло­во­да Аще­уло­ва. Но вско­ре, узнав, что ула­лин­цы, опа­са­ясь быть кре­ще­ны­ми, хо­тят от­ко­че­вать от­сю­да в Куз­нец­кий округ, уда­лил­ся от них, пе­ре­се­лясь в Май­му (в вось­ми вер­стах), где пред­став­ля­лось бо­лее удобств, ко­их в Ула­ле мис­сия то­гда не мог­ла иметь.

Сна­ча­ла ди­кие ино­род­цы не хо­те­ли иметь сно­ше­ний с от­цом Ма­ка­ри­ем и из­бе­га­ли хри­сти­ан­ства. Но по­том при­гля­де­лись, и о. Ма­ка­рий из Май­мы на­чал зна­ко­мить­ся с ула­лин­ски­ми те­ле­ута­ми и при­об­ре­тать честь Хри­сто­вой Церк­ви из чер­но­вых та­тар и ал­тай­ских кал­мы­ков, по­се­ляя их осед­ло в Май­ме и дру­гих де­рев­нях. Меж­ду тем ула­лин­цы бо­лее и бо­лее вду­мы­ва­лись, все дей­ствия о. Ма­ка­рия, ис­пол­нен­ные люб­ви, ми­ло­сер­дия и со­стра­да­тель­но­сти к бед­ным ино­род­цам, убе­ди­ли их в том, что он – че­ло­век во­все не опас­ный, но до­стой­ный вся­ко­го ува­же­ния и люб­ви, пол­но­го до­ве­рия и по­кор­но­сти, и боль­шая часть их, бу­дучи про­ник­ну­ты мно­го­крат­но слы­ши­мым от него сло­вом ис­ти­ны, при­ня­ли Св. Кре­ще­ние (1834 г.) и пре­да­лись ему, как де­ти от­цу. То­гда о. Ма­ка­рий об­рат­но пе­ре­се­лил­ся к ним в Ула­лу; впро­чем, по вре­ме­нам жил и в Май­ме. В это вре­мя он имел два сна­ря­да по­ход­ной церк­ви, один в Ула­ле, а дру­гой в Май­ме; и, упо­треб­ляя один св. ан­ти­минс, дан­ный для церк­ви Все­ми­ло­сти­вей­ше­го Спа­са, от­прав­лял бо­го­слу­же­ния по­пе­ре­мен­но в обо­их ста­нах до при­бы­тия к нему со­труд­ни­ков (в 1836 г.) и по­лу­че­ния вто­ро­го св. слу­жи­те­ля для церк­ви в честь Смо­лен­ской ико­ны Бо­жи­ей Ма­те­ри (в 1840 г.). Вско­ре кре­сти­лись и осталь­ные ула­лин­цы (1835 и 1836 гг.), а по­том воз­вра­ти­лись и те, ко­то­рые сна­ча­ла, убо­яв­шись быть кре­ще­ны­ми, от­ко­че­ва­ли от­сю­да и так­же при­ня­ли Св. Кре­ще­ние. С то­го вре­ме­ни, имея глав­ное ме­сто­пре­бы­ва­ние в Ула­ле, о. Ма­ка­рий по­се­щал от­сю­да ко­че­вых та­тар и кал­мы­ков и те­ле­утов Куз­нец­ко­го окру­га в про­дол­же­нии 13 лет и 8 ме­ся­цев. Все­го пре­по­доб­ный окре­стил око­ло 700 взрос­лых и столь­ко же де­тей».

Уди­ви­тель­но, как стра­да­ю­щий те­лес­ны­ми неду­га­ми отец Ма­ка­рий пе­ре­но­сил дли­тель­ные пе­ре­хо­ды и пе­ре­пра­вы через гор­ные ре­ки, как он пе­ре­но­сил ли­ше­ния стран­ни­че­ской жиз­ни, ис­пол­няя свой пас­тыр­ский долг: огла­шая, кре­стя, на­ве­щая ду­хов­ных чад. В это вре­мя он на­чи­на­ет ду­мать об обу­че­нии гра­мо­те ко­рен­ных на­ро­дов. Ведь ина­че они не мог­ли вник­нуть в смысл его про­по­ве­дей, участ­во­вать в бо­го­слу­же­ни­ях. Так бы­ла на­ча­та огром­ная ис­сле­до­ва­тель­ская ра­бо­та по со­зда­нию ал­тай­ской пись­мен­но­сти и сло­ва­ря (бук­ва­ря) от­дель­ных фраз и слов объ­е­мом в 3000 слов. Ос­но­вой этой пись­мен­но­сти был рус­ский ал­фа­вит. Гра­мо­те и пись­му ал­тай­цы обу­ча­лись в мис­си­о­нер­ской шко­ле в се­ле Ула­ла при глав­ном стане мис­сии.

В 1983 го­ду пре­по­доб­ный Ма­ка­рий при­чис­лен к ли­ку свя­тых, и его имя вне­се­но в Со­бор Си­бир­ских свя­тых.

Тропарь преподобному Макарию (Глухареву) Алтайскому и Болховскому , глас 4

Христовою любовию подвизаемь,

благовестити веру истинную пришел еси народом Алтайским,

преподобне, отче наш Макарие,

словом и житием тех наставляя,

привел еси многих ко спасению,/

егоже сподоби и нас молитвами твоими.

Кондак преподобному Макарию (Глухареву) Алтайскому и Болховскому, глас 3

Языческаго зловерия избегше,

проповедию твоею Творца светов познахом.

Ему же в Троице покланяющеся,/

молим тя, равноапостольне Макарие,

сохраняй чада твоя в истинней вере Христовой

Оценка 3.4 проголосовавших: 17
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here