Молитва богородицы воспитание

Молитва богородицы воспитание

икона Богородицы «ВОСПИТАНИЕ»

18 марта (5 марта по старому стилю)

Древний византийский образ, который в России получил название «Воспитание», так как молящиеся перед нею получали помощь от Божией Матери в воспитании детей. Икона Богородицы прославилась по всей России своими чудотворениями.

Оригинал иконы Богородицы до революции находился в Казанском соборе на Красной площади, но после разрушения храма бесследно исчез. В нас настоящее время в возрождённом Казанском соборе находится точный список чудотворной иконы Богородицы.

Пред иконой Пресвятой Богородицы «Воспитание» молятся о воспитании чад в вере и благочестии.

Молитва Пресвятой Богородице перед Ея иконой, именуемой «Воспитание»

О, Пресвятая Владычице Дево Богородице, спаси и сохрани под кровом Твоим моих чад (имена), всех отроков, отроковиц и младенцев, крещеных и безымянных, и во чреве Матери носимых. Укрой их ризою Твоего Материнства, соблюди их в страхе Божием и послушании родителям, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный покров рабам Твоим.

АКАФИСТ ПРЕСВЯТОЙ БОГОРОДИЦЕ ПЕРЕД ЕЯ ИКОНОЙ, ИМЕНУЕМОЙ “ВОСПИТАНИЕ”

Взбранной Воеводе и Благой Воспитательнице рода христианского, яко избавльшеся от злых, благодарственная восписуем Ти раби твои, Богородице, имущая державу непобедимую, от всяких бед чадо мое свободи да со слезами зову Ти: воспитай, Владычице, чадо мое. (имя) достойна Небесного царствия и наследником вечных благ его сотвори.

Ангела с небесе послати чаду моему исходатайствуй, Пресвятая, у Сына Своего и Бога, якоже и Тебе послан бысть хранитель прекрепкий – Гавриил Архангел и сподоби мя взывати Тебе сице: Воспитай чадо мое земным ангелом. Воспитай чадо мое небесным человеком. Воспитай чадо мое Тебе угодным. Воспитай чадо мое сокрушенным духом и сердцем. Воспитай чадо мое Твоим рабом. Воспитай чадо мое зовуща Тебе: “Радуйся, Благодатная, Господь с Тобою!” Воспитай, Владычице, чадо мое. (имя) достойна Небесного Царствия и наследником вечных благ его сотвори.

Видяще мое матернее моление о чаде моем, у Тебе единой помощи просящей: возьми его под Свой честный и милосердный покров, да воззову Богу: Аллилуиа.

Разум чаду моему посли, како добре Ти послужити и наполнити сердце его премудростью Небесной, подаяя одну ея возлюбите, земное же паче презрети, и не возбрани устом моим вопити таковая: Воспитай чадо мое мудрым, яко есть змии и простым, яко голубицы. Воспитай чадо мое имеющим разум на доброе и не ищущим на грех. Воспитай чадо мое премудрым противу козней диавольских. Воспитай чадо мое возрастающим в познании премудрости Царствия Вечного. Воспитай чадо мое устрояющего мудре житие свое по образу святых. Воспитай чадо мое, питающе его млеком Премудрости Божией и сокровенной, да взыскует Ю во всем животе своем. Воспитай, Владычице, чадо мое достойна Небесного Царствия и наследником вечных благ его сотвори.

Сила Вышняго да осенит чадо мое Твоего ради неусыпного предстательства пред Сыном Твоим, и по сем познавше Твое матернее милосердие ко всем, к Тебе с верою притекающим, воззову Богу: Аллилуиа.

Имущи от Бога чадо мое, не хочу узрети его в муке вечно пребывающа, но паче записанного в Книге Жизни н наследующаго живот вечный. Сего ради, Пречистая Дево, приклони ухо к молению моему, взывающе Тебе: Воспитай чадо мое избегнути вечных мук. Воспитай чадо мое наследовати живот вечный. Воспитай чадо мое проводити путь жития в покаянии. Воспитай чадо мое претрудне стяжающаго благодать Духа Святаго. Воспитай чадо мое употребляющим усилие восхитити Царство Небесное. Воспитай чадо мое, еже быти записанным ему в Книге Жизни. Воспитай, Владычице, чадо мое достойна Небесного Царствия и наследником вечных благ его сотвори.

Бурю внутрь имея помышлений сумнительных, восхощеши ли пояти чадо мое в живот вечный, рыдаю, но воспомянув Твоя милости пребогатыя, во уповании и умилении сердца пою Сыну Твоему: Аллилуиа.

Слышаше глас Твой, глаголющий Сыну Твоему: “Данных Мне Тобою в удел сохраняй во веки”, простираю руце мои и сердце к Твоему милосердию да возмеши чадо мое в рабы Своя и исполниши прошения таковая: Воспитай чадо мое в уделе Твоем преславнем. Воспитай чадо мое со всеми Твоими святыми. Воспитай чадо мое рабом, творящим вся Твоя повеления. Воспитай чадо мое шествующа узким путем заповедей Сына Твоего во Иерусалим Горний. Воспитай чадо мое ищущим помощи у Тебе единой. Воспитай чадо мое для принятия в живот вечный. Воспитай, Владычице, чадо мое достойна Небесного Царствия и наследником вечных благ его сотвори.

Звезда утренняя, сиречь Сын Твой, Пресвятая Дево, да воссияет светом невечерним в сердце чада моего, во еже воззвати ему Богу: Аллилуиа.

Видяще мое прилежное моление, возносимое во славу Твою, аки фимиам благовонный, не отврати лица Твоего от моего чада, аще он и отвратится те услыши глаголы уст моих вопиющих Тебе: воспитай чадо мое нищим духом, яко тех есть Царство Небесное. Воспитай чадо мое плачущим, яко тии утешатся. Воспитай чадо мое кротким, яко тии наследят землю. Воспитай чадо мое алчущим и жаждущим правды, яко тии насытятся. Воспитай чадо мое милостивым, яко тии помилованы будут. Воспитай чадо мое чистым сердцем, яко тии Бога узрят. Воспитай чадо мое миротворцем, яко тии сынове Божии нарекутся. Воспитай, Владычице, чадо мое достойна Небесного Царствия и наследником вечных благ его сотвори.

Проповедует мир весь христианский Твое всегдашнее заступление сирот, вдовиц и матерей, о чадех молящихся и вопиющих Богу: Аллилуиа.

Возсияй лучами благодати к душе чада моего да просвещенный от Тебе свыше узрит путь, ведущий в живот вечный, и последует по нем, окормляемый под Твоим всемощным покровом, в Царство Сына Твоего, идеже жизнь бесконечная н сего ради услыши мене, зовущую Тебе сице: Воспитай чадо мое светом мира, да светит свет ею пред людьми и да видяще его добрые дела прославят Отца Небесного. Воспитай чадо мое просвещенным от Сына Твоего да во свете Его узрит свет и направит стопы своя к Нему. Воспитай чадо мое выну обращающа очи сердца своего к Создателю всяческих. Воспитай чадо мое, путеводствуя звездою утреннею, иже есть Сын Твой во обители праведников. Воспитай чадо мое кротким, молчаливым и трепещущим Словес Божиих. Воспитай чадо мое любящаго Тебе и Сына Твоего не токмо умом, но и сердцем. Воспитай, Владычице, чадо мое достойна Небесного Царствия и наследником вечных благ его сотвори.

Хотящу чаду моему вечнаго спасения со слезами предста пред честною Твоею иконою, Владычице, да не презреши моления моего, зовущей Сыну Твоему: Аллилуиа.

Дивными и неизследимыми судьбами Сына Твоего привлецы чадо мое Твоею милостивою рукою под Свой благодатный покров да со усердием зову Ти: Воспитай чадо мое ищущаго прежде Царствия Божия и правды его. Воспитай чадо мое входити тесными вратами ведущими в живот вечный. Воспитай чадо мое на всяком месте творящаго волю Сына Твоего и Бога. Воспитай чадо мое не глаголящим, ниже мыслящим хулу на Духа Святаго. Воспитай чадо мое в малем числе избранных Твоих. Воспитай, Владычице, чадо мое достойна Небесного Царствия и наследником вечных благ его сотвори.

Странствующе в юдоли сей земной, многоскорбней и много-мятежней, чадо мое, идеже обрете отраду и утешение, аще не в Тебе, Пречистая? Спутеводствуй же ему и настави его на путь истинный, да зовет Богу: Аллилуиа.

Всем еси Мати милующая, Ты, Богородице, и хощу, да пребудеши Ею чаду моему. Се вручаю его в руце Твоя и во смирении прошу Тя: Воспитай чадо мое бодрствующим и молящимся да не внидет во искушение. Воспитай чадо мое милосердным, якоже Отец Небесный милосерд есть. Воспитай чадо мое во умилении младенческом, яко детей есть Царство Божие. Воспитай чадо мое мое меньшим всех, да будет пред Богом велик. Воспитай чадо мое соблюдающим слово Божие причастником блаженства райского его содевая. Воспитай чадо мое благонадежным для Царства Небеснаго. Воспитай, Владычице, чадо мое достойна Небесного Царствия и наследником вечных благ его сотвори.

Всякого добра душу и сердце его исполни, гюдающе от щедрот Твоих всем по коегождо потребе да зову Богу: Аллилуиа.

Ветий суемудренных общения, глаголющих лжу на Твое всемощное заступление, избави его и призри на мя, верно вопиющую: Воспитай чадо мое в целомудрии и послушании. Воспитай чадо мое бегающим утех мира и прелестей века сего. Воспитай чадо мое уклоняющимся от зла и творящим благо. Воспитай чадо мое творящим добрый плод. Воспитай чадо мое любящим и молящимся о вразех своих. Воспитай чадо мое совершенным, яко совершен Отец наш Небесный. Воспитай, Владычице, чадо мое достойна Небесного Царствия и наследником вечных благ его сотвори.

Спасти хотя мир. Сын Твой прииде с Небесе призвати не праведники, но грешники на покаяние. Сего ради взмолись Сыну Твоему и скажи о чаде моем да спасенный Тобою воззовет Богу: Аллилуиа.

Стеною несокрушимою стани, Небесная Царице, чаду моему, да под Твоим блаженным покровом возможет содеяти множество благих дел да и с сим зову Ти сице: Воспитай чадо мое ведущим творити волю Сына Твоего и Бога. Воспитай чадо мое ненавидящаго грех и всякое беззаконие. Воспитай чадо мое любящим добро и всякую добродетель. Воспитай чадо мое в чистоте непорочней. Воспитай чадо мое восходящим по лествице живота своего на кийждо день. Воспитай чадо мое в горести своей обращающа очи свои к Твоему милосердию. Воспитай, Владычице, чадо мое достойна Небесного Царствия и наследником вечных благ его сотвори.

Пети Твое необоримое заступление выну сподоби чадо мое и Твоею благодатию отверзи устне его вопити Богу: Аллилуиа.

Светоприемную свещею, пламенеющей и истаивающей на от любви к Тебе и Сыну Твоему и ближнему день и нощь, живот его соделай и не презри мене, зовущую Ти: Воспитай чадо мое любити Тебе от всего сердца и помышления. Воспитай чадо мое всегда взирающим на крест и страдания Сына Твоего. Воспитай чадо мое отверзающим устне своя токмо на похваление и прославление благости Твоей. Воспитай чадо мое ждущим пришествия Сына Твоего со слезами. Воспитай чадо мое в молитве трезвенной и непрестанней. Воспитай чадо мое в благоговении всегда Тебе предстоящем. Воспитай, Владычице, чадо мое достойна Небесного Царствия и наследником вечных благ сотвори.

Благодатию неизреченной Духа Святаго напитай сердце чада моего, еже возлюбити токмо Сына Твоего и Бога, и Тебе, Преблагую, да быв подвигнут Тобою, зовет Царю всяческих: Аллилуиа.

Поюще Твое милосердие, им же милуеши и питаеши чадо мое, не престай просити о нем у Сына Твоего, яко верую, вся Тебе доступна суть, и исполни во благо мольбы моя таковая: Воспитай чадо мое исполнена Духа Святаго. Воспитай чадо мое обрестияя на Суде Сына Твоего одесную. Воспитай чадо мое живуща свято. Воспитай чадо мое благодатию Духа Божия твердо на пути вернем пребывающа. Воспитай чадо мое в слезах и стенании о гресех житие свое проводящим. Воспитай чадо мое ненасытно алчуща и жаждуща осенения Духа Святаго. Воспитай, Владычице, чадо мое достойна Небесного Царствия и наследником вечных благ сотвори.

О, Всепетая Мати Иисуса Сладчайшаго! Приими сие малое акафистное моление в воню благоухания духовного о чаде моем, и возьми ею под Твой милосердный покров. Еще же даруй ему мыслити, ведати, слышати, глаголати и творити токмо тое, еже приближает к Тебе и Сыну Твоему и споспешествует вечному спасению. И посли ему в жизни сей привременней все полезное ко спасению души его да зовет Богу: Аллилуиа, Аллилуиа, Аллилуиа.

(Сей кондак читается трижды и затем икос 1 и кондак1).

Также читайте у нас на сайте:

Иконы Божьей Матери – Информация о видах иконописи, описания большинства икон Божией Матери.

Жития Святых – Раздел посвященный Житиям Православных Святых.

Начинающему христианину – Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Литература – Собрание некоторой Православной литературы.

Православие и оккультизм – Взгляд Православия на гадания, экстрасенсорику, сглаз , порчу , йогу и подобные “духовные” практики.

http://pravkurs.ru/ – Православный интернет курс дистанционного обучения. Рекомендуем пройти этот курс всем начинающим Православным Христианам. Обучение через интернет проходит два раза в год, запишитесь на следующие курсы сегодня!

Первое Православное радио в ФМ диапозоне!

Можете слушать в автомобиле, на даче, везде где у вас нет доступа к Православной литературе или другим материалам.

Акафист Пресвятой Богородице пред иконой «Воспитание»

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 18 марта (05 марта ст. ст.)

Взбра́нной Воево́де и усе́рдней Воспита́тельнице ро́­да хри­сти­а́н­ска­го, я́ко из­ба́вль­ше­ся от злы́х, бла­го­да́р­ствен­ная воспису́ем Ти́ раби́ Твои́, Бо­го­ро́­ди­це, но я́ко иму́щая держа́ву непобеди́мую, от вся́­ких бе́д на́­ших ча́д сво­бо­ди́, да зо­ве́м Ти́:

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

А́н­ге­ла с Не­бе­се́ посла́ти ча́­дом на́­шим ис­хо­да́­тай­ствуй, Пре­свя­та́я, у Сы́­на Тво­его́ и Бо́­га на́­ше­го, я́ко­же и Те­бе́ по́с­лан бы́сть Гаврии́л ар­ха́н­гел, и спо­до́­би ны́ взыва́ти Те­бе́ си́­це:

Ра́­дуй­ся, рожде́нием Сво­и́м роди́телей обра́довавшая; ра́­дуй­ся, со сле­за́­ми мно́­ги­ми у Бо́­га испро́шенная.

Ра́­дуй­ся, мо­ли́т­вы и поста́ све́т­лое прозябе́ние; ра́­дуй­ся благочести́выя жи́з­ни кра́сный пло́де.

Ра́­дуй­ся, от младе́нства свя­та́­го по­слу­ша́­ния испо́лненная; ра́­дуй­ся благоче́стием от сосца́ ма́тере напое́нная.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Ви́­дя­щи на́­ше сле́зное роди́тельское мо­ле́­ние, уми­ло­се́р­ди­ся, Вла­ды́­чи­це, о ча́дех на́­ших, возми́ и́х под Сво́й чест­ны́й и благосве́тлый по­кро́в, да воззову́т в весе́лии Бо́­гу: Алли­лу́иа.

Ра́­зум ча́­дом на́­шим низпосли́, е́же ка́­ко до́б­ре Ти́ послужи́ти, и напо́лни серд­ца́ и́х прему́дростию небе́сною, подаю́щи еди́ну ю́ возлюби́ти, земно́е же презре́ти, и не возбрани́ усто́м на́­шим взыва́ти та­ко­ва́я:

Ра́­дуй­ся, де́тство Свое́ при хра́­ме прове́дшая; ра́­дуй­ся, во Свя­та́я свя­ты́х возше́дшая.

Ра́­дуй­ся, еди́­но­му Бо́­гу посвяще́нная; ра́­дуй­ся, моли́вшаяся Ему́ де́нь и но́щь.

Ра́­дуй­ся, чис­то­ту́ и це­ло­му́д­рие измла́да возлюби́вшая; ра́­дуй­ся, сми­ре́­ние Свое́ всеусе́рдно охраня́вшая.

Ра́­дуй­ся, мо­ли́т­вою к Бо́­гу при́с­но пламене́вшая; ра́­дуй­ся, По­хва­ло́ и Ра́­дос­те роди́телей свя­ты́х.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Си́­ла Вы́ш­ня­го да осени́т ча́­да на́­ша Тво­его́ ра́­ди неусы́пного предста́тельства за ни́х пред Сы́­ном Тво­и́м, да по­зна́в­ше Твое́ Ма́­тер­нее ми­ло­се́р­дие ко все́м с ве́­рою при­те­ка́ю­щим к Те­бе́, воззову́т Бо́­гу: Алли­лу́иа.

Иму́ще от Бо́­га ча́д на́­ших, не хо́щем зре́­ти и́х в гее́нне о́гненней пребыва́ющих, но напи́санных в кни́зе живо́тней. Се­го́ ра́­ди, Пре­чи́с­тая Де́­во, приклони́ся ко гла́су мо­ле́­ния на́­ше­го, взыва́ющу Те­бе́:

Ра́­дуй­ся, Ма́­ти Бо́­га и Сло́ва; ра́­дуй­ся Свя­та́я свя­ты́х бо́льшая.

Ра́­дуй­ся, Воспита́тельнице Сы́­на Бо́­жия; ра́­дуй­ся, Корми́лице Го́с­по­да си́л.

Ра́­дуй­ся, я́ко ражда́еши Спа­си́­те­ля ми́­ра; ра́­дуй­ся, я́ко расти́ши Изба́вителя плене́нным.

Ра́­дуй­ся, я́ко но́сиши Наста́вника заблу́ждшим; ра́­дуй­ся, я́ко Сы́н Тво́й Гос­по́дь.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Бу́­рю ви́­дя­ще собла́знов многоразли́чных, умно́жившихся, я́ко пе́сия му́хи и скни́пы, в преде́лех на́­ших, к Те­бе́, Бла­го­да́т­ная, взы­ва́­ем о ча́дех сво­и́х, да избе́гнут си́х и во­пи­ю́т Бо́­гу: Алли­лу́иа.

Слы́­ша­ще гла́с Тво́й, глаго́лющий Сы́­ну Тво­ему́: При­ими́ вся́­ка­го моля́щагося Те­бе́ и призыва́юща и́мя Мое́ на по́­мощь,– простира́ем ру́­це на́­ша на мо­ли́т­ве к Тво­ему́ милосе́рдию, да во́змеши ча́д на́­ших под по­кро́в Сво́й и испо́лниши про­ше́­ния на́­ша та­ко­ва́я:

Ра́­дуй­ся, от уны́ния зла́­го ча́д на́­ших из­бав­ля́ю­щая; ра́­дуй­ся, от безу́мнаго ве­се́­лия и́х огражда́ющая.

Ра́­дуй­ся, в несе́нии крес­та́ и́х укрепля́ющая; ра́­дуй­ся, в по́двизех бла­го­че́с­тия и́х утвержда́ющая.

Ра́­дуй­ся, под по­кро́­вом Тво­и́м ми́­ло­сти­во и́х сохраня́ющая; ра́­дуй­ся, здра́­вие ду́ш и теле́с и́м подава́ющая.

Ра́­дуй­ся, усе́рд­ная Нас­та́в­ни­це це­ло­му́д­рия; ра́­дуй­ся, ми́лостивая Взыска́тельнице заблу́ждших.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Боготе́чная Звез­да́ у́тренняя, Сы́н Тво́й, Пре­свя­та́я Де́­во, да возсия́ет све́­том невече́рним в сердца́х ча́д на́­ших, во е́же воззва́ти и́м Бо́­гу: Алли­лу́иа.

Ви́­дя­щи на́­ше приле́жное мо­ле́­ние, не от­вра­ти́ ли­ца́ Тво­его́ от ча́д на́­ших, а́ще и отвратя́тся от Те­бе́, и услы́­ши гла­го́­лы у́ст на́­ших, во­пию́­щих та­ко­ва́я:

Ра́­дуй­ся, я́ко науча́еши ча́д на́­ших име́ти ра́­зум на до́б­рое; ра́­дуй­ся, на пу­ти́ греха́ и́х запина́ющая.

Ра́­дуй­ся, пра́во ше́ствовати и́х нас­тав­ля́ю­щая; ра́­дуй­ся, от лука́вства злы́х че­ло­ве́к и́х огражда́ющая.

Ра́­дуй­ся, в злострада́нии и́х укрепля́ющая; ра́­дуй­ся, благодари́ти Бо́­га за вся́ науча́ющая.

Ра́­дуй­ся, бла­га́я Хо­да́­таи­це при́с­но о ча́дех на́­ших к Сы́­ну Сво­ему́; ра́­дуй­ся, Спору́чнице и́х пред Творцо́м и Бо́­гом.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Пропове́дует ве́сь ми́р христиа́нский Твое́ всегда́шнее за­ступ­ле́­ние о мо­ля́­щих­ся Те­бе́. Си́­це и ны́­не услы́­ши многоболе́зненное сие́ роди́тельское мо­ле́­ние о ча́дех на́­ших, во е́же зва́ти им Бо́­гу: Алли­лу́иа.

Да возсия́ет лу­ча́ бла­го­да́­ти в ду­ша́х ча́д на́­ших, и, просвеще́нии То­бо́ю, у́зрят пу́ть, веду́щий в жи­во́т ве́чный, и после́дуют и́м, сохраня́еми под Тво­и́м всемогу́щим по­кро́­вом. Се­го́ ра́­ди услы́­ши ны́, зову́щия Ти́ та­ко­ва́я:

Ра́­дуй­ся, роди́телей на лю­бо́вь бла́гу к ча́­дом сво­и́м подвиза́ющая; ра́­дуй­ся, серд­ца́ ча́д, во е́же роди́телей сво­и́х чти́ти, умиля́ющая.

Ра́­дуй­ся, все́х скор­бя́­щих Ра́­дос­те; ра́­дуй­ся, Умягче́ние злы́х сер­де́ц.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Хотя́ще ча́­дом на́­шим ве́ч­на­го спа­се́­ния, со сле­за́­ми предстои́м пред чест­но́ю Твое́ю ико́ною, Вла­ды́­чи­це, да не пре́зриши мо­ле́­ния на́­ше­го, зову́ще Сы́­ну Тво­ему́: Алли­лу́иа.

Но́вую по­ка­жи́ ми́­лость на ча́дех на́­ших, Вла­ды́­чи­це, и неизсле́димыми судьба́ми Сы́­на Тво­его́ привлецы́ и́х под Сво́й бла­го­да́т­ный по­кро́в, да усе́рд­но зо­ве́м Ти́:

Ра́­дуй­ся, Воспита́ние ча́д на́­ших, во е́же огражде́нным и́м бы́­ти му́­ки ве́ч­ныя; ра́­дуй­ся, Воспита́ние ча́д на́­ших, во е́же насле́довати и́м бла­же́н­ство непрестаю́щее.

Ра́­дуй­ся, Пробужде́ние со́вести ча́д на́­ших на по­кая́­ние; ра́­дуй­ся, пита́ющая и́х пло­да́­ми добротолю́бия.

Ра́­дуй­ся, пре­ми­ло­се́р­дая Уте́­ши­тель­ни­це все́х скор­бя́­щих и об­ре­ме­не́н­ных; ра́­дуй­ся, неусыпа́ющая Нас­та́в­ни­це все́х заблу́ждших и ослепле́нных.

Ра́­дуй­ся, Судии́ пра́веднаго умоле́ние; ра́­дуй­ся, мно́гих со­гре­ше́­ний про­ще́­ние.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Стра́нствующе в юдо́ли се́й многоско́рбней по мо́­рю многомяте́жному страс­те́й, ча́­да на́­ша где́ обря́щут тве́р­дое при­ста́­ни­ще, а́ще не в Те­бе́, Пре­чи́с­тая? Спутеше́ствуй же и́м и наста́ви и́х на пу́ть и́с­тин­ный, да зову́т Бо́­гу: Алли­лу́иа.

Все́м еси́ Ма́­ти ми́лующая, Пре­чи́с­тая Де́­во, я́ко­же Хрис­то́с Спаси́тель ре­че́ Те­бе́, у крес­та́ Его́ предстоя́щей: Се́, сы́н Тво́й, – указу́я на избра́ннаго от че­ло­ве́к. Се­го́ ра́­ди вруча́ем ча́­да на́­ша в ру́­це Твои́ и во смире́нии зо­ве́м Ти́:

Ра́­дуй­ся, ча́д на́­ших благосе́рдая Путеводи́тельнице; ра́­дуй­ся, те́рния гре­хо́в­ных страс­те́й ми­ло­се́р­дая Искорени́тельнице.

Ра́­дуй­ся, отра́ду в пусты́не греха́ по­даю́­щая; ра́­дуй­ся, в мину́ту ско́р­би утеша́ющая.

Ра́­дуй­ся, в зе́м­лю обетова́ния путево́дствующая; ра́­дуй­ся, на воде́ упокое́ния веселя́щая.

Ра́­дуй­ся, со­вер­ше́н­ный Ра́зуме наста́вников и детоводи́телей; ра́­дуй­ся, Благослове́ние домо́в и семе́йств бла­го­чес­ти́­вых.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Вся́­ка­го бла́га ис­по́л­ни серд­ца́ и ду́­ши ча́д на́­ших, отгоня́ющи от ни́х ду́­ха злосмра́днаго безбо́жия, не­че́с­тия и блудоде́йства, госпо́дствующа в ми́­ре се́м. Со­хра­ни́ ра­бо́в Тво­и́х в чис­то­те́ и целому́дрии, да взыва́ют во уми­ле́­нии Бо́­гу: Алли­лу́иа.

Вити́й суему́дренных, лжу́щих на Твое́ всемо́щное за­ступ­ле́­ние, от­же­ни́, Ма́­ти Бо́­жия, от ча́д на́­ших, да не попо́лзнутся умо́м в душетле́нная уче́ния и не обратя́тся се́рд­цем в по́хоти безме́стныя, но при́­зри на ны́, ве́р­но во­пию́­щия:

Ра́­дуй­ся, до́брым нра́вом ча́д на́­ших науча́ющая; ра́­дуй­ся, от злы́х на́выков и́х из­бав­ля́ю­щая.

Ра́­дуй­ся, му́д­рых наста́вников Тво­и́м ра­бо́м посыла́ющая; ра́­дуй­ся, от худы́х соо́бществ и́х отвраща́ющая.

Ра́­дуй­ся, благо́му уче́нию внима́ти призыва́ющая; ра́­дуй­ся, суе́тные ба́сни презира́ти помога́ющая.

Ра́­дуй­ся, Бо́­жие ко гре́ш­ным благоволе́ние; ра́­дуй­ся, ка́ю­щих­ся пред Го́с­по­дем кре́п­кое за­ступ­ле́­ние.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Спас­ти́ хо­тя́ ми́р, Хрис­то́с Бо́г при­зва́ не пра́­вед­ни­ки, но гре́ш­ни­ки на по­кая́­ние. Се­го́ ра́­ди мо­ли́­ся Сы́­ну Тво­ему́ о ча́дех на́­ших, а́ще и отъи́дут в стра­ну́ да­ле́­че, оба́­че, взыска́ннии Тво­и́м Ма́терним заступле́нием, возвратя́тся в сокруше́нии се́рдца к Отцу́ Небе́сному и воззову́т Ему́: Алли­лу́иа.

Стено́ю несокруши́мою ста́ни, Не­бе́с­ная Ца­ри́­це, ча́­дом на́­шим, да Тво­и́м пред­ста́­тель­ством избе́гнут зми́ева приноше́ния, кра́снаго в сне́дь, последи́ же смертоно́снаго, и воз­мо́­гут чи́с­тым се́рд­цем пе́­ти Те­бе́ та­ко­ва́я:

Ра́­дуй­ся, из­бав­ля́ю­щая ча́д на́­ших от ядови́таго зе́лия; ра́­дуй­ся, спа­са́ю­щая и́х от ду­ше­па́­губ­на­го пития́.

Ра́­дуй­ся, от блудоде́йства и́х сохраня́ющая; ра́­дуй­ся, целому́дрию и́х науча́ющая.

Ра́­дуй­ся, потребле́ние вся́­ка­го обольще́ния; ра́­дуй­ся, из­бав­ле́­ние вся́­ка­го смуще́ния.

Ра́­дуй­ся, трезве́ния побо́рнице; ра́­дуй­ся, му́дрости хо­да́­таи­це.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Пе́­ти Твое́ необори́мое за­ступ­ле́­ние вы́­ну спо­до́­би ча́д на́­ших, да обря́щут Те­бе́ кре́п­кую По­мо́щ­ни­цу, и Твое́ю бла­го­да́­тию отве́рзут ус­та́ свои́ вос­пе­ва́­ти Бо́­гу: Алли­лу́иа.

Све­то­при­е́м­ную све­щу́ жи­тие́ ча́д на́­ших соде́лай, да при́с­но горя́т лю­бо́­вию к Те­бе́ и Сы́­ну Тво­ему́, и не пре́­зри ны́, зову́щия Ти́:

Ра́­дуй­ся, ды́м собла́знов разгоня́ющая; ра́­дуй­ся, мглу́ страс­те́й про­све­ща́ю­щая.

Ра́­дуй­ся, зре́­ние храни́ти науча́ющая; ра́­дуй­ся, блюсти́ чу́вствования вразумля́ющая.

Ра́­дуй­ся, щед­ро́т неизрече́нных Ма́­ти; ра́­дуй­ся, побужда́ющая ча́д на́­ших в благогове́нии Те­бе́ предстоя́ти.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

Бла­го­да́­тию неизрече́нною Ду́­ха Свя­та́­го напита́й серд­ца́ ча́д на́­ших, е́же возлюби́ти то́кмо Сы́­на Тво­его́ и Бо́­га и Те­бе́, Преблагу́ю За­сту́п­ни­цу, да, подви́гшеся То­бо́ю, зову́т Ца­рю́ вся́ческих: Алли­лу́иа.

Пою́­ще Твое́ ми­ло­се́р­дие, и́м­же ми́луеши и пита́еши ча́д на́­ших, мо́­лим­ся: не пре­ста́й проси́ти о ни́х Сы́­на Тво­его́, я́ко вся́ Те­бе́ воз­мо́ж­на су́ть, и услы́­ши моль­бы́ на́­ша та­ко­вы́я:

Ра́­дуй­ся, от купе́ли Свя­та́­го Креще́ния ча́д на́­ших Восприе́мнице; ра́­дуй­ся, к све́­ту и́с­ти­ны и́х Путеводи́тельнице.

Ра́­дуй­ся, ро́су бла­го­да́­ти Твоея́ и́м по­даю́­щая; ра́­дуй­ся, млеко́м и́с­ти­ны и́х пита́ющая.

Ра́­дуй­ся, я́ко тво­ри́­ши ча́д на́­ших зем­ны́я а́н­ге­лы; ра́­дуй­ся, я́ко претворя́еши и́х в не­бе́с­ныя че­ло­ве́­ки.

Ра́­дуй­ся, на­сле́д­ни­ки Ца́рст­вия Не­бе́с­на­го и́х показу́ющая; ра́­дуй­ся, в Оби́­те­лех Не­бе́с­ных и́х водворя́ющая.

Ра́­дуй­ся, бла­га́я Воспита́тельнице, воспита́нная во Свя­та́я свя­ты́х.

О Все­пе́­тая Ма́­ти Иису́­са Сладча́йшаго! При­ими́ ма́­лое сие́ мо­ле́­ние о ча́дех на́­ших в воню́ благоуха́ния духо́внаго и возми́ и́х под Тво́й милосе́рдный по­кро́в. Еще́ же да́­руй и́м мы́слити, гла­го́­ла­ти и твори́ти то́­чию Те­бе́ и Сы́­ну Тво­ему́ уго́дная и посли́ и́м в жи́з­ни се́й привре́менней вся́ по­ле́з­ная ко спа­се́­нию ду́ш и́х, да вос­пе­ва́­ют Бо́­гу: Алли­лу́иа.

Этот конда́к чи­та­ет­ся трижды, затем 1-й и́кос и 1-й конда́к.

Го́с­по­ди Иису́­се Хрис­те́, Сы́­не Бо́­жий, мо­ли́тв ра́­ди Пречи́стыя Твоея́ Ма́­те­ре услы́­ши на́с, не­до­сто́й­ных ра́б Тво­и́х, к Те­бе́ приле́жно при­те­ка́ю­щих. Го́с­по­ди, в ми́лостивей вла́сти Тво­е́й ча́­да на́­ша, раби́ Твои́ (име­на́). По­ми́­луй и спа­си́ и́х и́ме­не Тво­его́ ра́­ди, прости́ и́м вся́ согреше́ния во́льная и нево́льная, соверше́нная и́ми пред То­бо́ю, Го́с­по­ди. Наста́ви и́х на пу́ть и́с­тин­ный, ра́­зум и́х про­све­ти́ све́­том Тво­и́м, се́рд­це со­гре́й лю­бо́­вию Твое́ю. Го́с­по­ди, благослови́ и́х в до́­ме, в уче́нии, в пу­ти́ и на вся́ком ме́сте Тво­его́ влады́чества. Го́с­по­ди, со­хра­ни́ и́х под кро́вом Тво­и́м свя­ты́м от летя́щия стре́лы, от ог­ня́, ме­ча́, от смер­то­но́с­ныя я́з­вы и от на­пра́с­ныя сме́р­ти. Го́с­по­ди, огради́ и́х от все́х ви́­ди­мых и не­ви́­ди­мых вра­го́в, ис­це­ли́ и́х от вся́­кия бо­ле́з­ни, очи́с­ти и́х от вся́­кия скве́р­ны и облегчи́ и́х ду­ше́в­ныя стра­да́­ния. Го́с­по­ди, да́­руй и́м бла­го­да́ть Ду́­ха Тво­его́ Свя­та́­го на мно́гая ле́та жи́з­ни, здра́вия, це­ло­му́д­рия и бла­го­че́с­тия. Го́с­по­ди, умно́жи и укре­пи́ и́х душе́вные и теле́сные си́­лы, То­бо́ю дарова́нные и́м. Да́­руй Твое́ благослове́ние ча́­дом на́­шим на благочести́вую и, а́ще уго́дно Те­бе́, семе́йную жи́знь. Го́с­по­ди, да́­руй на́м, недосто́йным и гре́ш­ным ра­бо́м Тво­и́м (име­на́), благослове́ние на воспита́ние ча́д на́­ших и спо­до́­би все́х ку́п­но дости́гнути ве́ч­на­го Ца́рст­вия и та́­мо просла́вити пре­чест­но́е и ве­ли­ко­ле́­пое и́мя Твое́, со От­це́м и Свя­ты́м Ду́­хом. Ами́нь.

Мо­ли́т­ва к Бо́жией Ма́тери.

О Пре­свя­та́я Вла­ды́­чи­це Де́­во Бо­го­ро́­ди­це, пре­ми­ло­се́р­дая Ма́­ти все́х че­ло­ве́к, спа­си́ и со­хра­ни́ под кро́вом Тво­и́м ча́д на́­ших (име­на́), все́х отроко́в, отрокови́ц, младе́нцев и во чре́­ве ма́­те­ре носи́мых. По­кры́й и́х ри́­зою Твое́ю, соблюди́ и́х во стра́се Бо́жием и послуша́нии роди́телем, умо­ли́ Го́с­по­да на́­ше­го и Сы́­на Тво­его́, да да́­ру­ет и́м вся́ по­ле́з­ная к душе́вному спа­се́­нию. Вруча́ем и́х Тво­ему́ Матери́нскому смотре́нию, я́ко Ты́ еси́ Бо­же́ст­вен­ный по­кро́в ра­бо́м Тво­и́м. Ами́нь.

А҆ка́ѳїстъ прест҃ѣ́й бцⷣѣ въ че́сть і҆кѡ́ны є҆ѧ̀ воспита́нїе.

Взбра́нной воево́дѣ и҆ ᲂу҆се́рднѣй воспита́тельнице ро́да хрⷭ҇тїа́нскагѡ, ꙗ҆́кѡ и҆зба́вльшесѧ ѿ ѕлы́хъ, бл҃года́рственнаѧ восписꙋ́емъ тѝ рабѝ твоѝ, бцⷣе, но ꙗ҆́кѡ и҆мꙋ́щаѧ держа́вꙋ непобѣди́мꙋю, ѿ всѧ́кихъ бѣ́дъ на́шихъ ча́дъ свободѝ, да зове́мъ тѝ:

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

А҆́гг҃ла съ нб҃сѐ посла́ти ча́дѡмъ на́шимъ и҆схода́тайствꙋй, прест҃а́ѧ, ᲂу҆ сн҃а твоегѡ̀ и҆ бг҃а на́шегѡ, ꙗ҆́коже и҆ тебѣ̀ по́сланъ бы́сть гаврїи́лъ а҆рха́гг҃лъ, и҆ сподо́би ны̀ взыва́ти тебѣ̀ си́це:

Ра́дꙋйсѧ, рожде́нїемъ свои́мъ роди́телей ѡ҆бра́довавшаѧ: ра́дꙋйсѧ, со слеза́ми мно́гими ᲂу҆ бг҃а и҆спроше́ннаѧ.

Ра́дꙋйсѧ, моли́твы и҆ поста̀ свѣ́тлое прозѧбе́нїе: ра́дꙋйсѧ бл҃гочести́выѧ жи́зни кра́сный пло́де.

Ра́дꙋйсѧ, ѿ младе́нства ст҃а́гѡ послꙋша́нїѧ и҆спо́лненнаѧ: ра́дꙋйсѧ бл҃гоче́стїемъ ѿ сосца̀ ма́терїю напое́ннаѧ.

Ра́дꙋйсѧ, любвѐ всесвѣ́тлое жили́ще: ра́дꙋйсѧ, млⷭ҇тей гдⷭ҇нихъ сокро́вище.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Ви́дѧщи на́ше сле́зное роди́тельское моле́нїе, ᲂу҆млⷭ҇рдисѧ, влⷣчце, ѡ҆ ча́дѣхъ на́шихъ, возмѝ и҆̀хъ под̾ сво́й чтⷭ҇ны́й и҆ бл҃госвѣ́тлый покро́въ, да воззовꙋ́тъ въ весе́лїи бг҃ꙋ: А҆ллилꙋ́їа.

Ра́зꙋмъ ча́дѡмъ на́шимъ низпослѝ, є҆́же ка́кѡ до́брѣ тѝ послꙋжи́ти, и҆ напо́лни сердца̀ и҆̀хъ премꙋ́дростїю нбⷭ҇ною, подаю́щи є҆ди́нꙋ ю҆̀ возлюби́ти, земно́е же презрѣ́ти, и҆ не возбранѝ ᲂу҆стѡ́мъ на́шимъ взыва́ти такова́ѧ:

Ра́дꙋйсѧ, дѣ́тство своѐ при хра́мѣ прове́дшаѧ: ра́дꙋйсѧ, во ст҃а́ѧ ст҃ы́хъ возше́дшаѧ.

Ра́дꙋйсѧ, є҆ди́номꙋ бг҃ꙋ посщ҃е́ннаѧ: ра́дꙋйсѧ, моли́вшаѧсѧ є҆мꙋ̀ де́нь и҆ но́щь.

Ра́дꙋйсѧ, чⷭ҇тотꙋ̀ и҆ цѣломꙋ́дрїе и҆змла́да возлюби́вшаѧ: ра́дꙋйсѧ, смире́нїе своѐ всеꙋсе́рднѡ ѡ҆хранѧ́вшаѧ.

Ра́дꙋйсѧ, моли́твою къ бг҃ꙋ при́снѡ пламенѣ́вшаѧ: ра́дꙋйсѧ, похвало̀ и҆ ра́досте роди́телей ст҃ы́хъ.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Си́ла вы́шнѧгѡ да ѡ҆сѣни́тъ ча̑да на̑ша твоегѡ̀ ра́ди неꙋсы́пнагѡ предста́тельства за ни́хъ пред̾ сн҃омъ твои́мъ, да позна́вше твоѐ мт҃рнее млⷭ҇рдїе ко всѣ̑мъ съ вѣ́рою притека́ющымъ къ тебѣ̀, воззовꙋ́тъ бг҃ꙋ: А҆ллилꙋ́їа.

И҆мꙋ́ще ѿ бг҃а ча́дъ на́шихъ, не хо́щемъ зрѣ́ти и҆̀хъ въ гее́ннѣ ѻ҆́гненнѣй пребыва́ющихъ, но напи́санныхъ въ кни́зѣ живо́тнѣй. Сегѡ̀ ра́ди, пречⷭ҇таѧ дв҃о, приклони́сѧ ко гла́сꙋ моле́нїѧ на́шегѡ, взыва́ющꙋ тебѣ̀:

Ра́дꙋйсѧ, мт҃и бг҃а и҆ сло́ва: ра́дꙋйсѧ ст҃а́ѧ ст҃ы́хъ бо́льшаѧ.

Ра́дꙋйсѧ воспита́тельнице сн҃а бж҃їѧ: ра́дꙋйсѧ, корми́лице гдⷭ҇а си́лъ.

Ра́дꙋйсѧ, ꙗ҆́кѡ ражда́еши спⷭ҇телѧ мі́ра: ра́дꙋйсѧ, ꙗ҆́кѡ расти́ши и҆зба́вителѧ плѣне́нныхъ.

Ра́дꙋйсѧ, ꙗ҆́кѡ но́сиши наста́вника заблꙋ́ждшихъ: ра́дꙋйсѧ, ꙗ҆́кѡ сн҃ъ тво́й гдⷭ҇ь.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Бꙋ́рю ви́дѧще собла́знѡвъ многоразли́чныхъ, ᲂу҆мно́жившихсѧ, ꙗ҆́кѡ пе́сїѧ мꙋ́хи и҆ скни́пы, въ предѣ́лѣхъ на́шихъ, къ тебѣ̀, блгⷣтнаѧ, взыва́емъ ѡ҆ ча́дѣхъ свои́хъ, да и҆збѣ́гнꙋтъ си́хъ и҆ вопїю́тъ бг҃ꙋ: А҆ллилꙋ́їа.

Слы́шаще гла́съ тво́й, глаго́лющїй сн҃ꙋ твоемꙋ̀: прїимѝ всѧ́кагѡ молѧ́щагосѧ тебѣ̀ и҆ призыва́юща и҆́мѧ моѐ на по́мощь, простира́емъ рꙋ́цѣ на́ша на моли́твѣ къ твоемꙋ̀ млⷭ҇рдїю, да во́змеши ча́дъ на́шихъ под̾ покро́въ сво́й и҆ и҆спо́лниши проше́нїѧ на́ша такова̑ѧ:

Ра́дꙋйсѧ, ѿ ᲂу҆ны́нїѧ ѕла́гѡ ча́дъ на́шихъ и҆збавлѧ́ющаѧ: ра́дꙋйсѧ, ѿ безꙋ́мнагѡ весе́лїѧ и҆̀хъ ѡ҆гражда́ющаѧ.

Ра́дꙋйсѧ, въ несе́нїи креста̀ и҆̀хъ ᲂу҆крѣплѧ́ющаѧ: ра́дꙋйсѧ, въ по́двизѣхъ бл҃гоче́стїѧ и҆̀хъ ᲂу҆твержда́ющаѧ.

Ра́дꙋйсѧ, под̾ покро́вомъ твои́мъ млⷭ҇тивѡ и҆̀хъ сохранѧ́ющаѧ: ра́дꙋйсѧ, здра́вїе дꙋ́шъ и҆ тѣле́съ и҆̀мъ подава́ющаѧ.

Ра́дꙋйсѧ, ᲂу҆се́рднаѧ наста́внице цѣломꙋ́дрїѧ: ра́дꙋйсѧ, млⷭ҇тиваѧ взыска́тельнице заблꙋ́ждшихъ. Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Бг҃оте́чнаѧ ѕвѣзда̀ ᲂу҆́треннѧѧ, сн҃ъ тво́й, прест҃а́ѧ дв҃о, да возсїѧ́етъ свѣ́томъ невече́рнимъ въ сердца́хъ ча́дъ на́шихъ, во є҆́же воззва́ти и҆̀мъ бг҃ꙋ: А҆ллилꙋ́їа.

Ви́дѧщи на́ше прилѣ́жное моле́нїе, не ѿвратѝ ли́ца твоегѡ̀ ѿ ча̑дъ на́шихъ, а҆́ще и҆ ѿвратѧ́тсѧ ѿ тебѣ̀, и҆ ᲂу҆слы́ши глагѡ́лы ᲂу҆́стъ на́шихъ, вопїю́щихъ такова̑ѧ:

Ра́дꙋйсѧ, ꙗ҆́кѡ наꙋча́еши ча́дъ на́шихъ и҆мѣ́ти ра́зꙋмъ на до́брое: ра́дꙋйсѧ, на пꙋтѝ грѣха̀ и҆̀хъ запина́ющаѧ.

Ра́дꙋйсѧ, пра́во ше́ствовати и҆̀хъ наставлѧ́ющаѧ: ра́дꙋйсѧ, ѿ лꙋка́вства ѕлы́хъ чл҃вѣ́къ и҆̀хъ ѡ҆гражда́ющаѧ.

Ра́дꙋйсѧ, въ ѕлострада́нїи и҆̀хъ ᲂу҆крѣплѧ́ющаѧ: ра́дꙋйсѧ, бл҃годари́ти бг҃а за всѐ наꙋча́ющаѧ.

Ра́дꙋйсѧ, бл҃га́ѧ хода́таице при́снѡ ѡ҆ ча́дѣхъ на́шихъ къ сн҃ꙋ своемꙋ̀: ра́дꙋйсѧ, спорꙋ́чнице и҆̀хъ пред̾ творце́мъ и҆ бг҃омъ.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Проповѣ́дꙋетъ ве́сь мі́ръ хрⷭ҇тїа́нскїй твоѐ всегда́шнее застꙋпле́нїе ѡ҆ молѧ́щихсѧ тебѣ̀. Си́це и҆ ны́нѣ ᲂу҆слы́ши многоболѣ́зненное сїѐ роди́тельское моле́нїе ѡ҆ ча́дѣхъ на́шихъ, во є҆́же зва́ти и҆̀мъ бг҃ꙋ: А҆ллилꙋ́їа.

Да возсїѧ́етъ лꙋча̀ бл҃года́ти въ дꙋша́хъ ча́дъ на́шихъ, и҆, просвѣще́нїи тобо́ю, ᲂу҆́зрѧтъ пꙋ́ть, ведꙋ́щїй въ живо́тъ вѣ́чный, и҆ послѣ́дꙋютъ и҆̀мъ, сохранѧ́еми под̾ твои́мъ всемогꙋ́щимъ покро́вомъ. Сегѡ̀ ра́ди ᲂу҆слы́ши ны̀, зовꙋ́щїѧ тѝ такова̑ѧ:

Ра́дꙋйсѧ, роди́телей на любо́вь бл҃гꙋ къ ча́дѡмъ свои́мъ подвиза́ющаѧ: ра́дꙋйсѧ, сердца̀ ча́дъ, во є҆́же роди́телей свои́хъ чти́ти, ᲂу҆милѧ́ющаѧ.

Ра́дꙋйсѧ, просѧ́щымъ подаю́щаѧ ра́зꙋмъ: ра́дꙋйсѧ, вѣ́рныхъ ѡ҆зарѧ́ющаѧ смы́слы.

Ра́дꙋйсѧ, всѣ́хъ скорбѧ́щихъ ра́досте: ра́дꙋйсѧ, ᲂу҆мѧгче́нїе ѕлы́хъ серде́цъ.

Ра́дꙋйсѧ, ѿра́до и҆ ᲂу҆тѣше́нїе: ра́дꙋйсѧ, прибавле́нїе ᲂу҆ма̀.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Хотѧ́ще ча́дѡмъ на́шимъ вѣ́чнагѡ сп҃се́нїѧ, со слеза́ми предстои́мъ пред̾ чтⷭ҇но́ю твое́ю і҆кѡ́ною, влⷣчце, да не пре́зриши моле́нїѧ на́шегѡ, зовꙋ́щагѡ сн҃ꙋ твоемꙋ̀: А҆ллилꙋ́їа.

Но́вꙋю покажѝ млⷭ҇ть на ча́дѣхъ на́шихъ, влⷣчце, и҆ неизслѣ́димыми сꙋдьба́ми сн҃а твоегѡ̀ привлецы̀ и҆̀хъ под̾ сво́й бл҃года́тный покро́въ, да ᲂу҆се́рднѡ зове́мъ тѝ:

Ра́дꙋйсѧ, воспита́нїе ча́дъ на́шихъ, во є҆́же ѡ҆гражде́ннымъ и҆̀мъ бы́ти мꙋ́ки вѣ́чныѧ: ра́дꙋйсѧ, воспита́нїе ча́дъ на́шихъ, во є҆́же наслѣ́довати и҆̀мъ бл҃же́нство непрестаю́щее.

Ра́дꙋйсѧ, пробꙋжде́нїе со́вѣсти ча́дъ на́шихъ на покаѧ́нїе: ра́дꙋйсѧ, пита́ющаѧ и҆̀хъ плода́ми добротолю́бїѧ.

Ра́дꙋйсѧ, премлⷭ҇рдаѧ ᲂу҆тѣ́шительнице всѣ́хъ скорбѧ́щихъ и҆ ѡ҆бремене́нныхъ: ра́дꙋйсѧ, неꙋсыпа́ющаѧ наста́внице всѣ́хъ заблꙋ́ждшихъ и҆ ѡ҆слѣпле́нныхъ.

Ра́дꙋйсѧ, сꙋдїѝ пра́веднагѡ ᲂу҆моле́нїе: ра́дꙋйсѧ, мно́гихъ согрѣше́нїй проще́нїе.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Стра́нствꙋюще въ ю҆до́ли се́й многоско́рбнѣй по мо́рю многомѧте́жномꙋ страсте́й, ча̑да на̑ша гдѣ̀ ѡ҆брѧ́щꙋтъ тве́рдое приста́нище, а҆́ще не въ тебѣ̀, пречⷭ҇таѧ; спꙋтеше́ствꙋй же и҆̀мъ и҆ наста́ви и҆̀хъ на пꙋ́ть и҆́стинный, да зовꙋ́тъ бг҃ꙋ: А҆ллилꙋ́їа.

Всѣ́мъ є҆сѝ мт҃и ми́лꙋющаѧ, пречⷭ҇таѧ дв҃о, ꙗ҆́коже хрⷭ҇то́съ сп҃си́тель речѐ тебѣ̀, ᲂу҆ крⷭ҇та̀ є҆гѡ̀ предстоѧ́щей: сѐ, сы́нъ тво́й, ᲂу҆казꙋ́ѧ на и҆збра́ннагѡ ѿ человѣ̑къ. Сегѡ̀ ра́ди врꙋча́емъ ча̑да на̑ша въ рꙋ́цѣ твоѝ и҆ во смире́нїи зове́мъ тѝ:

Ра́дꙋйсѧ, ча̑дъ на́шихъ бл҃госе́рдаѧ пꙋтеводи́тельнице: ра́дꙋйсѧ, те́рнїѧ грѣхо́вныхъ страсте́й млⷭ҇рдаѧ и҆скорени́тельнице.

Ра́дꙋйсѧ, ѿра́дꙋ въ пꙋсты́нѣ грѣха̀ подаю́щаѧ: ра́дꙋйсѧ, въ минꙋ́тꙋ ско́рби ᲂу҆тѣша́ющаѧ.

Ра́дꙋйсѧ, въ зе́млю ѻ҆бѣтова́нїѧ пꙋтево́дствꙋющаѧ: ра́дꙋйсѧ, на водѣ̀ ᲂу҆покое́нїѧ веселѧ́щаѧ.

Ра́дꙋйсѧ, соверше́нный ра́зꙋме наста́вникѡвъ и҆ дѣтоводи́телей: ра́дꙋйсѧ, бл҃гослове́нїе домѡ́въ и҆ семе́йствъ бл҃гочести́выхъ.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Всѧ́кагѡ бл҃га и҆спо́лни сердца̀ и҆ дꙋ́ши ча́дъ на́шихъ, ѿгонѧ́ющи ѿ ни́хъ дꙋ́ха ѕлосмра́днагѡ безбо́жїѧ, нече́стїѧ и҆ блꙋдодѣ́йства, госпо́дствꙋюща въ мі́рѣ се́мъ. Сохранѝ рабѡ́въ твои́хъ въ чистотѣ̀ и҆ цѣломꙋ́дрїи, да взыва́ютъ во ᲂу҆миле́нїи бг҃ꙋ: А҆ллилꙋ́їа.

Вѣті́й сꙋемꙋ́дренныхъ, лжꙋ́щихъ на твоѐ всемо́щное застꙋпле́нїе, ѿженѝ, мт҃и бж҃їѧ, ѿ ча́дъ на́шихъ, да не попо́лзнꙋтсѧ ᲂу҆мо́мъ въ дꙋшетлѣ̑ннаѧ ᲂу҆чє́нїѧ и҆ не ѡ҆братѧ́тсѧ се́рдцемъ въ пѡ́хоти безмѣ̑стныѧ, но при́зри на ны̀, вѣ́рнѡ вопїю́щїѧ:

Ра́дꙋйсѧ, до́брымъ нра́вомъ ча̑дъ на́шихъ наꙋча́ющаѧ: ра́дꙋйсѧ, ѿ ѕлы́хъ на́выкѡвъ и҆̀хъ и҆збавлѧ́ющаѧ.

Ра́дꙋйсѧ, мꙋ́дрыхъ наста́вникѡвъ твои̑мъ рабѡ́мъ посыла́ющаѧ: ра́дꙋйсѧ, ѿ хꙋды́хъ соѻ́бществъ и҆̀хъ ѿвраща́ющаѧ.

Ра́дꙋйсѧ, бл҃го́мꙋ ᲂу҆че́нїю внима́ти призыва́ющаѧ: ра́дꙋйсѧ, сꙋ́етные ба́сни презира́ти помога́ющаѧ.

Ра́дꙋйсѧ, бж҃їе ко грѣ́шнымъ бл҃говоле́нїе: ра́дꙋйсѧ, ка́ющихсѧ пред̾ гдⷭ҇емъ крѣ́пкое застꙋпле́нїе.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Сп҃стѝ хотѧ̀ мі́ръ, хрⷭ҇то́съ бг҃ъ призва̀ не пра́ведники, но грѣ́шники на покаѧ́нїе. Сегѡ̀ ра́ди моли́сѧ сн҃ꙋ твоемꙋ̀ ѡ҆ ча́дѣхъ на́шихъ, а҆́ще и҆ ѿи́дꙋтъ въ странꙋ̀ дале́че, ѻ҆ба́че, взыска́ннїи твои́мъ мт҃рнимъ застꙋпле́нїемъ, возвратѧ́тсѧ въ сокрꙋше́нїи се́рдца къ ѻ҆ц҃ꙋ̀ нбⷭ҇номꙋ и҆ воззовꙋ́тъ є҆мꙋ̀: А҆ллилꙋ́їа.

Стѣно́ю несокрꙋши́мою ста́ни, нбⷭ҇наѧ цр҃и́це, ча́дѡмъ на́шимъ, да твои́мъ предста́тельствомъ и҆збѣ́гнꙋтъ ѕмі́ева приноше́нїѧ, кра́снагѡ въ снѣ́дь, послѣдѝ же смертоно́снагѡ, и҆ возмо́гꙋтъ чи̑стымъ се́рдцемъ пѣ́ти тебѣ̀ такова̑ѧ:

Ра́дꙋйсѧ, и҆збавлѧ́ющаѧ ча̑дъ на́шихъ ѿ ꙗ҆дови́тагѡ ѕе́лїѧ: ра́дꙋйсѧ, сп҃са́ющаѧ и҆̀хъ ѿ дꙋшепа́гꙋбнагѡ питїѧ̀.

Ра́дꙋйсѧ, ѿ блꙋдодѣ́йства и҆̀хъ сохранѧ́ющаѧ: ра́дꙋйсѧ, цѣломꙋ́дрїю и҆̀хъ наꙋча́ющаѧ.

Ра́дꙋйсѧ, потребле́нїе всѧ́кагѡ ѡ҆больще́нїѧ: ра́дꙋйсѧ, и҆збавле́нїе всѧ́кагѡ смꙋще́нїѧ.

Ра́дꙋйсѧ, трезве́нїѧ побо́рнице: ра́дꙋйсѧ, мꙋ́дрости хода́таице.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Пѣ́ти твоѐ неѡбори́мое застꙋпле́нїе вы́нꙋ сподо́би ча́дъ на́шихъ, да ѡ҆брѧ́щꙋтъ тебѣ̀ крѣ́пкꙋю помо́щницꙋ, и҆ твое́ю бл҃года́тїю ѿве́рзꙋтъ ᲂу҆ста̀ своѝ воспѣва́ти бг҃ꙋ: А҆ллилꙋ́їа.

Свѣтопрїе́мнꙋю свѣщꙋ̀ житїѐ ча́дъ на́шихъ содѣ́лай, да при́снѡ горѧ́тъ любо́вїю къ тебѣ̀ и҆ сн҃ꙋ твоемꙋ̀, и҆ не пре́зри ны̀, зовꙋ́щїѧ тѝ:

Ра́дꙋйсѧ, ды́мъ собла́знѡвъ разгонѧ́ющаѧ: ра́дꙋйсѧ, мглꙋ̀ страсте́й просвѣща́ющаѧ.

Ра́дꙋйсѧ, зрѣ́нїе храни́ти наꙋча́ющаѧ: ра́дꙋйсѧ, блюстѝ чꙋ́вствованїѧ вразꙋмлѧ́ющаѧ.

Ра́дꙋйсѧ, щедрѡ́тъ неизрече́нныхъ мт҃и: ра́дꙋйсѧ, побꙋжда́ющаѧ ча́дъ на́шихъ въ бл҃гоговѣ́нїи тебѣ̀ предстоѧ́ти.

Ра́дꙋйсѧ, ᲂу҆тѣше́нїе и҆̀мъ въ ско́рби живоно́сное: ра́дꙋйсѧ, ѿ набѣ́га лꙋка́выхъ прибѣ́жище непрело́жное.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Блгⷣтїю неизрече́нною дх҃а ст҃а́гѡ напита́й сердца̀ ча̑дъ на́шихъ, є҆́же возлюби́ти то́кмѡ сн҃а твоегѡ̀ и҆ бг҃а и҆ тебѣ̀, пребл҃гꙋ́ю застꙋ́пницꙋ, да, подви́гшесѧ тобо́ю, зовꙋ́тъ цр҃ю̀ всѧ́ческихъ: А҆ллилꙋ́їа.

Пою́ще твоѐ млⷭ҇рдїе, и҆̀мже ми́лꙋеши и҆ пита́еши ча́дъ на́шихъ, мо́лимсѧ: не преста́й проси́ти ѡ҆ ни́хъ сн҃а твоегѡ̀, ꙗ҆́кѡ всѧ̑ тебѣ̀ возмо́жна сꙋ́ть, и҆ ᲂу҆слы́ши мольбы̀ на̑ша таковы́ѧ:

Ра́дꙋйсѧ, ѿ кꙋпе́ли ст҃а́гѡ кр҃ще́нїѧ ча̑дъ на́шихъ воспрїе́мнице: ра́дꙋйсѧ, къ свѣ́тꙋ и҆́стины и҆̀хъ пꙋтеводи́тельнице.

Ра́дꙋйсѧ, ро́сꙋ бл҃года́ти твоеѧ̀ и҆̀мъ подаю́щаѧ: ра́дꙋйсѧ, млеко́мъ и҆́стины и҆̀хъ пита́ющаѧ.

Ра́дꙋйсѧ, ꙗ҆́кѡ твори́ши ча̑дъ на́шихъ земны́ѧ а҆́гг҃лы: ра́дꙋйсѧ, ꙗ҆́кѡ претворѧ́еши и҆̀хъ въ нбⷭ҇ныѧ чл҃вѣ́ки.

Ра́дꙋйсѧ, наслѣ́дники црⷭ҇твїѧ нбⷭ҇нагѡ и҆̀хъ показꙋ́ющаѧ: ра́дꙋйсѧ, въ ѻ҆би́телѣхъ нбⷭ҇ныхъ и҆̀хъ водворѧ́ющаѧ.

Ра́дꙋйсѧ, бл҃га́ѧ воспита́тельнице, воспита́ннаѧ во ст҃а́ѧ ст҃ы́хъ.

Ѽ, всепѣ́таѧ мт҃и і҆и҃са сладча́йшагѡ! Прїимѝ ма́лое сїѐ моле́нїе ѡ҆ ча́дѣхъ на́шихъ въ воню̀ бл҃гоꙋха́нїѧ дꙋхо́внагѡ и҆ возмѝ и҆̀хъ под̾ тво́й млⷭ҇рдый покро́въ. Є҆ще́ же да́рꙋй и҆̀мъ мы́слити, глаго́лати и҆ твори́ти то́чїю тебѣ̀ и҆ сн҃ꙋ твоемꙋ̀ ᲂу҆гѡ́днаѧ и҆ послѝ и҆̀мъ въ жи́зни се́й привре́меннѣй всѧ̑ полє́знаѧ ко сп҃се́нїю дꙋ́шъ и҆̀хъ, да воспѣва́ютъ бг҃ꙋ: А҆ллилꙋ́їа.

Се́й конда́къ чте́тсѧ три́жды. И҆ па́ки і҆́косъ а҃-й и҆ конда́къ а҃-й.

Моли́тва ко гдⷭ҇ꙋ на́шемꙋ і҆и҃сꙋ хрⷭ҇тꙋ̀.

Гдⷭ҇и і҆и҃се хрⷭ҇тѐ, сн҃е бж҃їй, моли́твъ ра́ди пречⷭ҇тыѧ твоеѧ̀ мт҃ре ᲂу҆слы́ши на́съ, недосто́йныхъ ра́бъ твои́хъ, къ тебѣ̀ приле́жнѡ притека́ющихъ. Гдⷭ҇и, въ млⷭ҇тивѣй вла́сти твое́й ча̑да на́ша, рабѝ твоѝ (и҆́мⷬ҇къ). Поми́лꙋй и҆ сп҃сѝ и҆̀хъ и҆́мене твоегѡ̀ ра́ди, простѝ и҆̀мъ всѧ̀ согрѣше́нїѧ вѡ́льнаѧ и҆ невѡ́льнаѧ, соверше́ннаѧ и҆́ми пред̾ тобо́ю, гдⷭ҇и. Наста́ви и҆̀хъ на пꙋ́ть и҆́стинный, ра́зꙋмъ и҆̀хъ просвѣтѝ свѣ́томъ твои́мъ, се́рдце согрѣ́й любо́вїю твое́ю. Гдⷭ҇и, бл҃гословѝ и҆̀хъ въ до́мѣ, въ ᲂу҆че́нїи, въ пꙋтѝ и҆ на всѧ́комъ мѣ́стѣ твоегѡ̀ влады́чества. Гдⷭ҇и, сохранѝ и҆̀хъ под̾ кро́вомъ твои́мъ ст҃ы́мъ ѿ летѧ́щїѧ стрѣлы̀, ѿ ѻ҆гнѧ̀, меча̀, ѿ смертоно́сныѧ ꙗ҆́звы и҆ ѿ напра́сныѧ сме́рти. Гдⷭ҇и, ѡ҆градѝ и҆̀хъ ѿ всѣ́хъ ви́димыхъ и҆ неви́димыхъ врагѡ́въ, и҆сцѣлѝ и҆̀хъ ѿ всѧ́кїѧ болѣ́зни, ѡ҆чи́сти и҆̀хъ ѿ всѧ́кїѧ скве́рны и҆ ѡ҆блегчѝ и҆̀хъ дꙋшє́вныѧ страда̑нїѧ. Гдⷭ҇и, да́рꙋй и҆̀мъ бл҃года́ть дх҃а твоегѡ̀ ст҃а́гѡ на мно́гаѧ лѣ̑та жи́зни, здра́вїѧ, цѣломꙋ́дрїѧ и҆ бл҃гоче́стїѧ. Гдⷭ҇и, ᲂу҆мно́жи и҆ ᲂу҆крѣпѝ и҆̀хъ дꙋшє́вныѧ и҆ тѣлє́сныѧ си́лы, тобо́ю дарова́нные и҆̀мъ. Да́рꙋй твоѐ бл҃гослове́нїе ча́дѡмъ на́шимъ на бл҃гочести́вꙋю и҆, а҆́ще ᲂу҆го́днѡ тебѣ̀, семе́йнꙋю жи́знь. Гдⷭ҇и, да́рꙋй на́мъ, недосто́йнымъ и҆ грѣ́шнымъ рабѡ́мъ твои́мъ (и҆́мⷬ҇къ), бл҃гослове́нїе на воспита́нїе ча̑дъ на́шихъ и҆ сподо́би всѣ́хъ кꙋ́пнѡ дости́гнꙋти вѣ́чнагѡ црⷭ҇твїѧ и҆ та́мѡ просла́вити пречестно́е и҆ великолѣ́пое и҆́мѧ твоѐ, со ѻ҆ц҃е́мъ и҆ ст҃ы́мъ дх҃омъ. А҆ми́нь.

Моли́тва къ прест҃ѣ́й бцⷣѣ.

Ѽ, прест҃а́ѧ влⷣчце дв҃о бцⷣе, премлⷭ҇рдаѧ мт҃и всѣ́хъ чл҃вѣ́къ, сп҃сѝ и҆ сохранѝ под̾ кро́вомъ твои́мъ ча̑дъ на́шихъ (и҆́мⷬ҇къ), всѣ́хъ ѻ҆трокѡ́въ, ѻ҆трокови́цъ, младе́нцєвъ и҆ во чре́вѣ ма́тере носи̑мыѧ. Покры́й и҆̀хъ ри́зою твое́ю, соблюдѝ и҆̀хъ во стра́сѣ бж҃їемъ и҆ послꙋша́нїи роди́телємъ, ᲂу҆молѝ гдⷭ҇а на́шегѡ и҆ сн҃а твоегѡ̀, да да́рꙋетъ и҆̀мъ всѧ̀ поле́знаѧ къ дꙋше́вномꙋ сп҃се́нїю. Врꙋча́емъ и҆̀хъ твоемꙋ̀ мт҃рнемꙋ смотре́нїю, ꙗ҆́кѡ ты̀ є҆сѝ бж҃е́ственный покро́въ рабѡ́мъ твои́мъ. А҆ми́нь.

На иконе, име­ну­е­мой «Вос­пи­та­ние», Бо­жия Ма­терь изо­бра­жа­ет­ся с Пред­веч­ным Мла­ден­цем, си­дя­щим на Ее ле­вой ру­ке. Пра­вая ру­ка Хри­ста про­стер­та вверх к ли­ку Пре­чи­стой Де­вы. До 1917 го­да свя­той об­раз по­ме­щал­ся в Ка­зан­ском со­бо­ре на Крас­ной пло­ща­ди, но по­сле его раз­ру­ше­ния был уте­рян, сей­час там на­хо­дит­ся спи­сок с чу­до­твор­ной ико­ны, про­сла­вив­ший­ся по всей Рос­сии сво­и­ми чу­до­тво­ре­ни­я­ми. На­зва­ние ико­ны го­во­рит са­мо за се­бя. Пе­ред ней ро­ди­те­ли мо­лят­ся за сво­их де­тей, про­ся у Пре­свя­той Бо­го­ро­ди­цы взять их под Ее по­кров, по­слать им ра­зум и на­пол­нить серд­це пре­муд­ро­стью. Так­же до на­ших дней до­шла и крат­кая мо­лит­ва это­му об­ра­зу: «Вру­чаю ди­тя мое все­це­ло Гос­по­ду мо­е­му Иису­су Хри­сту и Тво­е­му, Пре­чи­стая, небес­но­му по­кро­ви­тель­ству».

Рекомендуем

С помощью кнопки выберите банковскую карту или Яндекс.Деньги.

©2004-2017 — При использовании материалов ссылка обязательна.